bwiza.com
Imikino mu Rwanda

Sugira na Bakame bategerejwe nk’abacunguzi mu Mavubi azahangana na Uganda

Umutoza w’ikipe y’igihugu Amavubi, Antoine Hey aratangaza ko azongera imbaraga muri iyi kipe ubwo izaba ihura na Uganda mu mukino wo kwishyura uteganyijwe mu mpera z’iki cyumweru mu majonjora ya CHAN 2018.
Abo ni rutahizamu Sugira Ernest na Mugisha Gilbert bazasimbura mu rutonde rw’abakinnyi uyu mutoza azifashisha, aribo Aimable Rucogoza(Mambo) ukina mu b’inyuma na Mubumbyi Barnabe(rutahizamu) batemerewe gukina umukino utaha kubera ko bahawe amakarita abiri nkuko bigaragara ku rubuga rwa FERWAFA.
Sugira aherutse kurekurwa n’ikipe ya AS Vita yo muri Repubulika Iharanira Demokarasi ya Congo asinya kontara y’umwaka umwe muri APR Fc, mu gihe Mugisha ari muri Rayon Sports avuye muri Pepiniere Fc yamanutse mu cyiciro cya kabiri.
Mu bandi bategerejwe harimo kapiteni w’iyi kipe Ndayishimiye Eric (Bakame) uzaba wagarutse mu kibuga nyuma yo gusiba umukino umwe kuko yahawe amakarita abiri y’umuhondo.
Amavubi yatsinzwe na Uganda Cranes (Imisambi ya Uganda) ibitego 3-0 ku wa gatandatu w’icyumweru gishize mu mukino wabereye kuri sitade St. Mary’s Kitende i Kampala. Muri ibyo bitego bibiri byatsinzwe na rutahizamu Muzamir Mutyaba wabitsinze ku munota wa 18 n’uwa 25 y’igice cya mbere, icya gatatu gitsindwa na Derrick Nsibambi ku munota wa 49.
Ubwo iyi kipe yasozaga umukino wayo na Uganda, Hey yavuze ko abakinnyi bakinnye neza ariko ntibahirwe, gusa ngo barateganya kongera imbaraga muri uyu mukino utaha.
[xyz-ihs snippet=”google-pub”]
Ikipe izatsinda uyu mukino izajya mu mikino ya nyuma ya Chan izabera muri Kenya mu mwaka utaha.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com

Izindi wakunda

Bwiza.com
error: Alert: Ntabwo byemewe!!