bwiza.com
Ahabanza » Umugore akurikiranyweho gutwika umwana w’imyaka 10 na peteroli kuko yaciye ikabutura
Utuntu n'utundi

Umugore akurikiranyweho gutwika umwana w’imyaka 10 na peteroli kuko yaciye ikabutura

Polisi ikorera mu mujyi wa Lagos muri Nigeria iherutse guta muri yombi umugore witwa Gift Igwe imuziza gutwika umwana w’umuhungu w’imyaka 10 akoresheje peteroli.

[xyz-ihs snippet=”google-pub”]

Uyu mwana Chimobi w’imyaka 10 ni mwishywa w’umugabo w’uyu mugore yabaga mu rugo rwa bo, ubwo uyu mugore yazibiranwaga n’uburakari kuko yari yaciye ikabutura agahita amusukaho peterori umubiri wose yarangiza agakongeza.

Abaturanyi b’uru rugo bavuga ko bari basanzwe bazi ko uwo mugore ajya ahohotera ako kana mu gihe umugabo we adahari, gusa bakaza kumva gataka bakagira ngo n’ibisanzwe ariko bajya kureba bagasanga kari kwiziringa hasi kagurumana.

Bakomeza bavuga ko batazuyaje gufata uyu mugore ubundi bakamuhururiza inzego zishinzwe umutekano mu gihe uyu mwana we yahise ajyanwa mu bitaro bya Lagos.

[xyz-ihs snippet=”google-pub”]

Uyu mwana yivugira ko yabanaga na nyina ariko akabura uko yajya ku ishuri agahitamo kuza kwibera kwa nyirarume akajya anabafasha uturimo, dore ko bari banafite uruhinja rw’umwaka umwe gusa.

Uyu mugore ari gukurikiranwa n’ubutabera mu gihe umwana na we ari kuvurwa ubushye.

Kanda hano ujye ubona amakuru yihuse kandi kugihe kuri Facebook no kuri twitter

Gentille@Bwiza.com

 

Izindi wakunda

Bwiza.com
error: Alert: Ntabwo byemewe!!