bwiza.com
Ahabanza » Abavugabutumwa 2 bateranye ingumi bapfa amaturo (Amafoto)
Iyobokamana

Abavugabutumwa 2 bateranye ingumi bapfa amaturo (Amafoto)

Abagabo babiri basanzwe bazwiho kuba ari abavugabutumwa mu gace ka Kumasi ko mu gihugu cya Ghana baherutse guterana ingumi mu muhanda bapfa kutavuga rumwe ku kijyanye n’amaturo baba baturishije mu bayoboke babo.
Aba bagabo bagendana Bibiliya n’ibindi bitabo bigisha ijambo ry’Imana aho bageze hose, ngo si ubwa mbere bashwanira mu nzira mu gihe baba bananiwe kugabana ayo babahaye mu gihe bigishaga.

Ibitangazamakuru byo muri kiriya gihugu bivuga ko aba bavugabutumwa barimo Samuel Kwame Boateng ndetse na Kwame Poku baherutse guhindura isoko rya Kumasi ahantu ho guteraniira amakofe abantu bagahurura bapfa ibiceri abantu baba babahaye.
[xyz-ihs snippet=”google-pub”]
Kuwa Gatatu w’iki cyumweu dusoza, tariki ya 20 Ukuboza 2017, nibwo aba bagabo bagiye gusengera muri uriya mujyi nk’uko basanzwe babikora ndetse bikaba binazwi ko ari ko kazi kabatunze, kugenda babwiriza ubutumwa aho bageze, abafashijwe bakabanagiraho ibiceri bakabona amaramuko.
Aba bavugavutumwa rero ngo baje kutumvikana ku bijyanye n’uburyo bagabana ayo bakoreye, batangira batukana ubundi amashati bayakuramo barahondagurana karahava ndetse havamo no gukomeretsanya.

Ubwo inzego z’umutekano zahageraga, Boateng yisobanuye avuga ko mugenzi we ari we watangiye amutuka ndetse intambara ikarota ubwo bakibona bafatanye mu mashati, abacururizaga hafi aho nabo bakaza ngo bakajya benyegeza ngo birebere uko abakozi b’imana batimbagurana.
Abantu batandukanye bavuze ko iyi Atari imyitwarire yakagombye kuranga abavuga ko bari mu murimo w’Imana ndetse bagenda bahanurira abantu.
Kanda hano ujye ubona amakuru yihuse kandi kugihe kuri Facebook no kuri twitter
Gentille@Bwiza.com
 

Izindi wakunda

Bwiza.com
error: Alert: Ntabwo byemewe!!