bwiza.com
Ahabanza » Opinion: Ibiyaga bigali, ikibuga Umufaransa n’ Umunyamerika bakiniraho bapimana imbaraga
Amakuru mashya Politiki

Opinion: Ibiyaga bigali, ikibuga Umufaransa n’ Umunyamerika bakiniraho bapimana imbaraga

Kuva jenoside yakorewe Abatusti yahagarikwa mu Rwanda muri 1994, akarere k’ Ibiyaga Bigali ntikigeza kagira ituze n’ umudendezo bisesuye mu rwego rwa politiki kuko kagiye karangwamo intambara zishingiye ku nyungu bwite z’ ibihugu by’ ibihangange biyoboye isi.
Ubutunzi karemano aka karere u Rwanda ruherereyemo niyo ntandaro yo guhangana hagati y’ ibihugu bikomeye ku isi nka Leta Zunze Ubumwe za Amerika, u Bufaransa ndetse n’ u Bushinwa bumaze imyaka isaga 15 bwaratangiye guharanira kuyobora amasoko mu rwego rw’ ubucuruzi ndetse no mu kubaka ibikorwa remezo.
Uyu mwuka mubi wagiye uranga aka karere mu gihe Leta Zunze Ubumwe za Amerika zari zimaze kwizera ko zageze ku ntego zazo zo kuyobora aka karere mu gihe u Bufaransa bwo imbaraga zabwo zari zitangiye kuhagabanuka.
[xyz-ihs snippet=”google-pub”]
Intambara u Rwanda, Uganda, u Burundi byarwanye muri Congo-Kinshasa muri 1996 kugeza za 2003 yari ifitanye isano rikomeye no guharanira kuyobora no kugusigana gutegeka Ibiyaga Bigali hagati ya Leta Zunze Ubumwe za Amerika n’ u Bufaransa.
Muri iyi ntambara , Rwanda rwagiye rusobanura ko rwohereje ingabo mu rwego rwo guhashya Interahamwe zasize zikoze jenoside ziza guhungira mu mashyamba ya Congo-Kinshasa.
Byumvikane ko mu ruhando mpuzamahanga, u Rwanda rwagaragazaga impungenge rufite rukeka ko izi Nterahamwe zashoboraga kwisuganya rukagabwaho ibitero bikomeye byashobora kwica abaturage ndetse bikanasenya ibikorwa remezo byari bimaze kugerwaho.
Leta Zunze Ubumwe za Amerika zagiye zishyigikira u Rwanda mu buryo bumwe cyangwa ubundi n’ubwo zarutereranye muri jenoside yakorewe Abatutsi mu minsi 100 hakicwa abasaga miliyoni.
Ku rundi ruhande, u Bufaransa bwakomeje gushakisha uburyo bwose bushoboka kugirango by’ umwihariko busubirane ijambo bwahoranye mu Rwanda rwari ruyobowe na Maj, Gen. Juvenal Habyarimana ariko no mu karere kose muri rusange.
Mu buryo bugaragara U Bufaransa nabwo bwagiye burwanya ingabo z’ u Rwanda ruyobowe na FPR ahubwo bushyigikira cyane Interahamwe ndetse n’ ingabo za Angola, Zimbabwe, Malawi zihuriye mu muryango SADC.
Uko guhangana mu buryo bw’ ibanga hagati ya Amerika n’ u Bufaransa kwatumye ibi bikomeza gushakira aho bimenera ndetse hanabaho guhuzagurika ku mpande z’ ibihugu bigenerwa ibikorwa (Burundi, Congo-Kinshasa, u Rwanda, Uganda, Tanzania… ).
[xyz-ihs snippet=”google-pub”]
Bitewe n’ amateka ya politiki y’ ubukoloni nta wari kwiyumvisha ko ibihugu nka Tanzania ndetse na Uganda byayoboka u Bufaransa! gusa uku gushaka kwigarurira aka karere, uwavuga ko ari umukino ukomeye hagati y’ibi bihugu by’ibihangange kimwe gishaka kuharusha ibindi ijambo, no kuhagaragaza ubuhangange kurusha ibindi ntabwo yaba abeshye!
Uru rugero rufatika rwerekana neza gushakishiriza hose ku bihugu bikize byifuza kurushaho no kugira ijambo ariko bikerekana kutagira icyerekezo no guharanira inyungu z’ abaturage ku buyobozi bw’ ibihugu bikiri mu nzira y’ iterambere.
Kanda hano ujye ubona amakuru yihuse kandi kugihe kuri Facebook no kuri twitter
Gaston Rwaka/Bwiza.com

Izindi wakunda

Bwiza.com
error: Alert: Ntabwo byemewe!!