bwiza.com
Ahabanza » Cristiano Ronaldo yakuriye inzira ku murima abibwiraga ko yaba agiye kuva muri Real Madrid
Imikino

Cristiano Ronaldo yakuriye inzira ku murima abibwiraga ko yaba agiye kuva muri Real Madrid

Cristiano Ronaldo yagize icyo avuga nyuma y’amakuru amaze iminsi ahwihwiswa ko yaba ateganya kuva muri Real Madrid akaba yajya gukinira indi kipe, avuga ko nta gahunda yo kuva i Santiago Bernabeu afite.
Mu kiganiro Ronaldo yagiranye n’itangazamakuru ryo muri Espagne akagira icyo abazwa kuri aya makuru amaze iminsi avugwa, yaboneyeho gutangaza urukundo akunda ikipe akinira n’abaturage bo muri Espagne.
Yagize ati “ Nageze muri uyu mujyi kuva mu 2009, nkunda ikirere cyaha n’abaturage,… Espagne ni igihugu kiza, ndagikunda, ku bw’iyo mpamvu nifuza kuguma hano, nkunda iyi kipe (Real Madrid).
N’ubwo muri iyi sezo ikipe akinira itarimo kwitwara neza, Ronaldo avuga ko batishimye, ati “ Sezo ishize byari byiza cyane, kandi byari ibya mbere, uyu mwaka ntabwo twatangiye neza, ntabwo bigenda neza muri Laliga…ntabwo twishimye, ikipe ya Real Madrid ntabwo yishimye, ntabwo tubyishimiye”.
Akomeza agira ati “Murabizi ko football ihinduka cyane, niyo mpamvu twifuza ibitwongerera imbaraga ari nako tunakora cyane kuko turacyafite amahirwe yo gutsinda Champions League  n’igikombe cy’isi cy’ama Club,… Intego yacu ni ugutsinda Champions League kuko irahenze cyane”.
Ronaldo ni rutahizamu ubica bigacika muri Real Madrid no mu ikipe y’igihugu ya Portugal, mu mwaka wa 2009 nibwo ikipe Man Utd yamugurishije na R.Madrid, ubu akaba amaze gutwara Ballon d’Or inshuro 5.
Iyandikishe ( Subscribe) uzajye ubona ibiganiro, indirimbo kandi bishya mu mashusho


Kanda hano ujye ubona amakuru yihuse kandi kugihe kuri Facebook no kuri twitter
 
 

Izindi wakunda

Bwiza.com