bwiza.com
Ahabanza » Uganda: Umuhanzi Radio wo mu itsinda ‘Goodlyfe’ yapfuye
Imyidagaduro

Uganda: Umuhanzi Radio wo mu itsinda ‘Goodlyfe’ yapfuye

Umuhanzi Moses Ssekibogo uzwi ku izina rya Mowzey Radio waririmbanaga na Weasel mu itsinda Goodlyfe, yapfuye.
Inkuru y’urupfu rwe yamenyekanye ahagana saa 08:15, bitangajwe n’umuryango we, akaba yaguye mu bitaro by’i Kampala (Case Hospital).
Umwe wo mu muryango we wa hafi, yagize ati “Yego, Radio yagiye, apfuye muri iki gitondo saa kumi n’ebyiri (06:00),… barimo gutegura kujyana umurambo we mu bitaro bya Mulago (Mulago Hospital).
Mu ijoro ryo ku wa 22 Mutarama 2018, nibwo Mowzey Radio yakubitiwe mu kabari, mu gake ka Entebbe, kari mu birometero 35 uvuye mu mujyi wa Kampala. Aha ni naho yakoreye impanuka yo kugwa akubita umutwe ku makaro arimo kwirwanaho, aviramo imbere.
Akimara gukora impanuka, uyu musore w’imyaka 33 y’amavuko, ngo yakorewe ubutabazi bwihuse kuko yahise ata ubwenge. Radio yamaze iminsi itatu muri koma mbere y’uko abagwa mu mutwe, nyuma byaje gutangazwa ko yongeye kugarura ubwenge.

Radi0 yamaze iminsi itatu muri koma mbere y’uko abagwa mu mutwe

 
I.Theoneste/Bwiza.com

Izindi wakunda

Bwiza.com