bwiza.com
Ahabanza » RDC: Abayobozi bane barimo n’umunyarwanda bafatiwe ibihano na Loni
Amakuru Politiki

RDC: Abayobozi bane barimo n’umunyarwanda bafatiwe ibihano na Loni

Agashami gashinzwe ibihano gashamikiye ku kanama ka Loni Gashinzwe umutekano ku Isi,, ku wa kane tariki ya 1 Gashyantare 2018, kafatiye ibihano abayobozi bane barimo n’umunyarwanda kubera ibyaha bakoreye muri Repubulika Iharanira Demokarasi ya Congo.
Aba bane, bafatiwe ibihano byo kutemererwa kwidegembya mu mahanga ndetse no gufatira imitungo yabo, bashinjwa ubwicanyi no guhungabanya umutekano muri Congo.
Abo bayobozi ni Gén.Muhindo Akili Mundos, ofisiye mu gisirikare cya Congo (FARDC), yagiye ashyirwa muri raporo za Loni zitandukanye ashinjwa kuyobora ingabo zikica abaturage mu gace ka Beni, agace kibasiriwe n’ubwicanyi kuva muri Nzeri 2014, Mundos akaba yaragiye ahakana ibyo ashinjwa n’inzobere za Loni.

Gén.Muhindo Akili Mundo

Ku mwanya wa Kabiri kuri uru rutonde, hazaho Guidon Shimiray Mwissa wahoze ari Liyetona mu gisirikare cya Congo (FARDC), nyuma akaza kuba umuyobozi w’inyeshyamba za NDC (Nduma défense du Congo) zirwanira mu gace ka Walikale, muri Kivu y’Amajyaruguru.
Gédéon Kyungu Mutanga nawe mu mwaka wa 2009 yari yarakatiwe igihano cy’urupfu ashinjwa ubwicanyi ndengakamere ariko nyuma y’imyaka ibiri aza gucika muri gereza ya Lubumbashi, muri Katanga ya kera.
Radiyo Okapi itangaza ko undi uri kuri uru rutonde ari umunyarwanda witwa Lucien Nzambamwita bakunze kwita André Kalume, uyu nawe ngo ni umuyobozi wa FDLR mu Burasirazuba bwa Congo.
Aka kanama kasabye ibihugu gufatira ibihano aba bayobozi uko ari bane, bibabuza kubemerera kwinjira cyangwa gusohoka ndetse no gufatira ibyabo yaba amafaranga ku makonti cyangwa indi mitungo babifitemo.

Kanda hano ujye ubona amakuru yihuse kandi kugihe kuri Facebook no kuri twitter

Izindi wakunda

Bwiza.com