bwiza.com
Ahabanza » Volleyball: Umutoza watwaye igikombe, arasaba Abanyarwanda gutera ikirenge mu cy’Intwari z’u Rwanda
Imikino

Volleyball: Umutoza watwaye igikombe, arasaba Abanyarwanda gutera ikirenge mu cy’Intwari z’u Rwanda

Umutoza w’ikipe y’Akarere ka Gisagara mu mikino y’amaboko (Volleyball),  Nyirimana Fidèle, nyuma yo kwegukana igikombe cyitiriwe Intwari z’igihugu 2018, muri Volleyball, ahigitse ikipe ya volleyball ya REG amaseti 3-0, uyu mutoza yatangaje ko buri munyarwanda aho aherereye hose afite icyo agomba gukorera igihugu cyamubyaye. 
Ni imikino ngarukamwaka, aho ikigo cy’igihugu gishinzwe intwari z’igihugu, imidari n’impeta z’ishimwe gitegura irushanwa mu mikino yose ikinirwa mu Rwanda, insanganyamatsiko yuyu mwaka yari « Dukomeze ubutwari twubaka u Rwanda twifuza »,  ni muri urwo rwego kuri uyu wa Gatatu tariki ya 31 Mutarama 2018 hakinwaga imikino ya nyuma mu mikino ya Volleyball, igikombe cyegukanwa n’ikipe y’akarere ka Gisagara VC.
Nyirimana Fidèle yagize ati « ni igikombe gikomeye cyane akarere kari kadutumye mu rwego rwo kubahisha intwari z’akarere ka Gisagara, icyo nabwira abanyarwanda aho bari hose ni uko dufite byinshi byo gukorera igihugu, tukiteza imbere mubyo turimo byose ,tukaba intangarugero mu nshingano zitandukanye dufite cyane cyane ko dufite abatubanjirije kandi bakoze ibyari bikomeye kuruta ibyo dusabwa gukora ubu ».
Dore uko umunsi wa nyuma muri Volleyball wagenze: 
Ku isaha ya saa saba : wari mukino benshi bemezaga ko ari uwo guhanagura ikibuga ngo ku isaha ya saa moya rwambikane, ikipe y’Akarere ka Kirehe yatsinze ikipe ya kaminuza y’ubukerarugendo  UTB amaseti 3-0, bityo Kirehe VC yegukana umwanya wa Gatatu. 
Ku isaha ya saa kumi n’imwe n’igice: hatangiye umukino wa nyuma ku ruhande rw’abagore, hibazwaga ikipe iri bwegukane iki gikombe dore ko ari amakipe y’amakeba cyane, gusa ibyari mu bitekerezo by’abafana sibyo byagaragaye mu kibuga , ikipe y’ikigo k’igihugu cy’imisoro n’amahoro  RRA VC yatsinze biyoroheye ikipe y’ingabo z’igihugu APR VC amaseti 3-0.
Ku isaha ya saa moya n’igice : Nibwo hatangiye umukino wishiraniro, amakipe yose yariyubatse bikomeye, hari yasigaye kureba umutoza wateguye neza kurusha undi hagati ya Fidèli wa Gisagara VC na Mana wa REG VC.
Mu kibuga amakipe yose yari ahagaze neza gusa byaje kurangira ikipe ya Gisagara yihimuye kuri REG, ibatsinda amaseti 3-0 bityo ihita yegukana igikomnbe cyitiriwe intwari muri Volleyball 2018.
Dore uko amaseti yarangiye :

 
ikipe
Iseti ya mbere Iseti ya kabiri Iseti ya gatatu
Gisagara VC 25 26 25
REG VC 21 24 15

 Kanda hano ujye ubona amakuru yihuse kandi kugihe kuri Facebook no kuri twitter
Kalawo M.Eliezer/Bwiza.com
 

Izindi wakunda

Bwiza.com
error: Alert: Ntabwo byemewe!!