bwiza.com
Imyidagaduro

Kuvanga cinema, muzika n' urugo ntibyoroheye Miss Shanel

Nyuma y’ igihe kinini atagaragara muri muzika , umuririmbyi w’ injyana afro R&B ubarizwa mu Bufaransa Shannel Nirere bakunga kwita Miss Shanel arateganya gukomeza muzika.
Ibi byashimangiwe na Miss Shanel nyuma y’ igihe gito gishyize ashohoye indirimbo « Inkera » igakinywa ku maradio akorera hano mu gihugu. Iyi ndirimbo « Inkera »  yabanjije kwandikwa na nyakwigendera Minani Rwema muri 2008, ariko Miss Shanel yaje kuyikora mu buryo bugezweho kuko iya mbere yari ikozwe mu njyana nyarwanda gakondo.
Miss Shanel yamenyekanye cyane mu ndirimbo zen ka Ndarota, Ubufindo ndetse no mu zindi ndirimbo yakoranye n’ umuhanzi  Meshach Ssemakula wo muri  Uganda na  Wyre wo muri Kenya.
Miss Shanel yatangiye kubura mu ruhando rwa muzika muri 2012 ubwo yajyaga gukirikirana amasomo yo kwiga kubyina no kuririmba mu Kigo cy’ Mashuri Makuru I Poitou-Charentes mu Bufaransa amezi 12.
Mu kiganiro na The Eastafrica, Miss Shanel yagize ati « Maze kwitwa umugore w’ umugabo ndetse na nyina w’ abakobwa babiri byarangoye kwitabira ibitaramo kuko nagombaga kwita ku bana banjye ».
 
Mu mwaka w’  2013, Miss Shanel yahuye n’ umucuranzi Maxime Moro baniganye muzika mu ishuri rya  Atla i Paris bakorana umushinga w’ indirimbo waje kurangira muri Nzeli 2016.
Na nyuma yaho,  umucuranzi unatunganya amajwi Maxime Pichon na Benjamin Gonçalves  bahise babasanga bakora itsinda icyo gihe bahise bakorana indirimbo n’ amashusho yayo.
Amaze guhura n’ aba bacuranzi b’ abahanga,  byatumye Miss Shanel arushaho gutera imbere agerageza kuzamura urwego rwe rwa muzika.
Miss Shanel aherutse gutaramira abanyarwanda mu ntangiriro za 2016, mu iserukiramuco  Isano ndetse anataramira mu Nzu Birmingham mu Bubiligi na Sauti Sol yo muri Kenya muri Nzeli 2016. Miss Shanel n’ istinda rye bari gutunganya album yabo y’ indirimbo 12 chansons zirimo yitwa « Igisingizo ».


Miss Shanel muri Cinema
Umuhanzi Shanel ufite amateka muri Cinema ntiyorohewe no kuvanga cinema, muzika n’ ubuzima bwe bwite. Mu myaka 10 muri cinema, Shanel yisanze muri filime «La miséricorde de la jungle » (2018), « Grey Matter de Kivu Ruhorahoza » (2010), « Long Coat » ya  Edouard Bamporiki (2009), « The Day God Walked L » ya Philippe Van Leeuw (2008).
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…

Izindi wakunda

Bwiza.com