bwiza.com
Imyidagaduro

Miss Wema Sepetu agiye kuba umukozi wa Diamond

Miss Wema Sepetu aratangaza ko Diamond wahoze ari umukunzi we, ubu agiye kumubera umukoresha nyuma y’ibyavugwaga ko baba barazuye umubano.
Mu kiganiro yagiranye n’abanyamakuru, Sepetu yatangaje ko atigeze agira uruhare mu gusenya urugo rwa Diamond, kugera naho umugore we atangaza ko batandukanye.
Mu birori byo kwakira umuhanzi mushya muri wasafi Records, byabaye mu mpera za Mutarama 2018, nibwo Diamond yabihuriyemo na Wema Sepetu barahoberana mu buryo benshi bise ubudasanzwe, video icicikana ku mbuga nkoranyambaga, bivugwa ko basomanye, umwe akanakorakora undi.
Ibi Sepetu abibajijwe yasubije agira ati “ Ntabwo twasomanye, biriya byari uguhoberana, Diamond ntacyo yakoze kigaragaza urukundo, Diamond ni inshuti nziza, kandi agiye no kumbera umukoresha,…”.
Miss Wema Sepetu akomeza avuga ko agiye kuba umukozi wa Diamond, namara gutangiza Wasafi TV ko na we azaba ari umwe mu bakozi bayo.
Wema Sepetu yabaye Miss Tanzania mu 2006, yakundanye na Diamond imyaka myinshi, bageze igihe cyo kuba barushinga nibwo umubano wabo wazambye, Diamond ahita arongora umuherwe Zari.

Izindi wakunda

Bwiza.com
error: Alert: Ntabwo byemewe!!