bwiza.com
Imyidagaduro

Rema Namakula wabyaranye na Eddy Kenzo, avuga ko atarota yongera gukundana n’abahanzi

Urukundo hagati y’umuhanzi wo muri Uganda, Eddy Kenzo n’umukobwa witwa Rema Namakula, rwamaze imyaka myinshi, ndetse banabyarana umwana w’umukobwa. Mu gihe ubu bashwanye, uyu mugore avuga ko yahise ahurwa kuba yakongera gukundana n’ikitwa umuhanzi.
Mu kiganiro yagiranye na Sanyu FM, Rema yatangaje ko yakundanye na Kenzo, amwizera, abona ari umuntu mwiza w’inyangamugayo kandi utuje, gusa nyuma aza kumubonaho ingeso zatumye batandukana.
Yagize ati “Njye na Kenzo tumeze neza, mbese turi aho, gusa ntabwo nakongera kubana n’umuntu wese ufite aho ahuriye na muzika, kuko nabonye byinshi, n’umukobwa wanjye sinteze kuzamwifuriza kugana iyo nzira ya muzika”.
Yakomeje asobanura byinshi yakundiraga Kenzo, ati “Ubunyangamugayo bwa Kenzo nabonaga nibwo bwagiye bunkurura, nta kintu cye nabonaga cy’uburiganya, tumenyana yari imfura, abantu benshi babona ko yahindutse bitewe no kwamamara, gusa ni imfura kandi naranamukundaga”.
Ubwo yabazwaga icyaba cyaratumye ahurwa kongera gukundana n’abafite aho bahuriye na muzika, yagaragaje akababaro, asubiza ko mu nkundo zose hatabamo ukuri, anagaragaza ko yagiye ababara cyane kandi arurimo.
Abajijwe ko atazongera gukunda ukundi, yasubije agira ati “ku bw’impamvu ngomba kongera gukunda, mu gihe cyose umutima wanjye ugitera, na none nzakunda”.

Maya Musuuza Mirembe, ni umwana w’umukobwa Kenzo yabyaranye na Rema, yavutse ku wa 28 Nzeli 2014.
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…

 
 
 

Izindi wakunda

Bwiza.com
error: Alert: Ntabwo byemewe!!