bwiza.com
Amakuru Politiki

Rulindo: Umusaruro w'ibigori wabaye mwinshi isoko rirabura

Bamwe mu bahinzi b’ibigori mu Karere ka Rulindo barasaba inzego z’ubuyobozi kubashakira isoko ry’umusaruro kuko baguze imbuto bahenzwe none umusaruro ukaba warabuze isoko.
Ngo bahinze ibigoli ku bwinshi bakoresha imbaraga zose kuko bizezwaga isoko rihagije ry’umusaruro none ngo barasaruye babura isoko ibigori bisa n’ibiri gupfa ubusa ni abaturage bo mu murege wa Rukozo.
Ikibabaza aba baturage ngo ni ukuntu baguze imbuto bahenzwe kuko n’ubwo bayihawe kuri nkunganire ngo ikiro cy’imbuto y’ibigori bagihabwaga kuri 520 ifumbire itarajyaho none ngo umusaruro bari guhabwa hagati y’ijana n’ijana na mirongo itanu ngo ntacyo bari gukuramo rero ariyo mpamvu basaba ubuyobozi kubashakira isoko bwabijeje bajya guhinga.
Alcade Kabayiza, uyobora Umurenge wa Rukozo, aba bahinzi baherereyemo, abwira aba baturage ko ibigori ari imali ishyushye ngo biri gushakishwa cyane ariyo mpamvu bagomba kwirinda kubipfusha ubusa kuko ngo bari gushakirwa umuguzi mu gihe kitarenze icyumweru.
Gusa n’ubwo bimeze bitya inzego z’ubuyobozi zishimira aba bahinzi bahingira mu kibaya cya Rukozo kuba barumvise amabwiriza bakitabira guhinga kandi bakirinda kotsa umusaruro nk’uko iyi nkuru dukesha Radio 10 ikomeza ivuga.
Kubura isoko ry’umusaruro ni kimwe mu bibazo abahinzi bakunda guhura nabyo nyamara cyabonerwa umuti gihagurukiwe kuko usanga hari ababuze aho bagurisha umusaruro kandi nanone hirya no hino hari abakeneye uwo musaruro.
 
Kanda kuri SUBSCRIBE ujye ubona ibiganiro n’indirimbo bishya

Izindi wakunda

Bwiza.com