bwiza.com
Ahabanza » Mani Martin yasubije abamwibasiye nyuma yo kugaragaza ko ashaka umukobwa umubyarira umwana
Imyidagaduro

Mani Martin yasubije abamwibasiye nyuma yo kugaragaza ko ashaka umukobwa umubyarira umwana

Hashize iminsi mike, umuhanzi Mani Martin agaragaje ko ashaka umwana bidasubirwaho, ashyira ifoto y’umwana ku rukuta rwe rwa Instagram arangije ayandikaho amagambo avuga ko ‘ashaka umukobwa umubyarira umwana’ maze yakirizwa ibitutsi.

Bimwe mu bitekerezo byasubijwe Mani Martin

Ashyiraho iyo foto, Mani Martin yagize ati ”Bagore, uwumva yambyarira umwana mwiza nk’uyu nguyu nanshake tuvugane.”

Aha Mani Martin yasabaga uwamubyarira umwana nk’uyu ko yamwegera

Bamwe mu bamukurikira kuri Instagram, bamusamiye hejuru baramwandagaza, bavuga ko uburyo asa atashobora kubyara umwana usa atyo, ngo kabone n’aho yamubyarana n’umukobwa ufite ubwiza buruta ubwa nyampinga w’Isi.

Nyuma y’igihe gito ibi bibaye, Mani Martin yasohoye amagambo asubiza abafana be bamwibasiye bakamupfobya, bamubwira ko ari mubi kandi ko umwana nk’uwo yifuza atamubona.

Amagambo Mani Martin yasubije abagize icyo bavuga ku gitekerezo cye

Yagize ati “Oh! umwana mwiza w’Umunyafurika! Agahu kabonye umunyutsi, ibitutsi n’amagambo yanduye, abuzuye ivangura n’inzangano nabo bakaba bashyizwe igorora. Maze shenge iyo bamwe kamere mbi yabasagutse, uburere n’ikinyabupfura biraganzwa.

Ariko se disi, uretse gutebya, uwaba injiji cyangwa akaba ikibi cyo gutabwa nk’uko roho mbi za bamwe zibayobora kwita abandi, hari uwashakira umwana ku mbuga nkoranyambaga cyangwa ngo yifuze kubyara uwamaze kuvuka ku bandi babyeyi? Ni akumiro”

Yongeyeho kandi ko buri muntu wese afite uburenganzi bwo gushyira kumbuga nkoranya mbaga akoresha icyo ashaka kandi ko buri wese anafite uburenganzira bwo kuvuga icyo ashaka.

Yagize ati”…ariko buriya buriwese afite uburenganzira bwo gupositinga icyo ashaka yaba akina cyangwa akomeje kandi ninako buri wese afite uburenganzi bwo gutanga igitekerezo ashaka”

Mani Martin ni umwe mu bahanzi b’abanyarwanda bakora cyane, ndetse bakoranye indirimbo n’abahanzi bo mu bindi bihugu bakomeye, ubu itegerejwe ni iyo yakoranye n’itsinda rya Sauti Soul.

 

Izindi wakunda

1 Igitekerezo

Ehud May 14, 2018 at 9:56 pm

Man martin ntakibazo afite kandi mujye mwirinda amacakubiri nivangura rwose

Subiza

Tanga Igitekerezo

Bwiza.com