bwiza.com
Amakuru

Igisobanuro cy’igikapu ‘‘Football’ gihora iruhande rwa Perezida wa Amerika

Ni igikapu uzasanga gifite amazina menshi, ariko irikoreshwa cyane ni irya ‘Football’ ubaye Perezida wa Leta Zunze Ubumwe za Amerika wese, aba agomba kugihorana iruhande rwe.

Iki gikapu gitwarwa n’umwe mu basirikare kabuhariwe bashinzwe kurinda perezida, unamuhora iruhande aho ari hose. kibamo imbarutso z’ibisasu bya kirimbuzi.

Urubuga rwa Washington post, ruvuga ko bidashoboka ko perezida wa Leta Zunze Ubumwe za America agira aho ajya Atari kumwe nacyo.

Football ikoze mu cyuma cyo mu bwoko bwa ‘’zero harburton’’. Ibi bikaba ari ibyuma bikomera cyane, iki gikapu n’ibiba bikirimo bifite uburemere bw’ibiro 20.

Mu gitabo cye, uwitwa Bill Gulley wahoze ari umusirikare mukuru mu biro bya perezida wa Amerika ‘White house yavuze ko muri football cyangwa muri black box habamo ibintu bine by’ingenzi, icyitwa black Book ibamo uduce twose tubarizwamo za ntwaro cyangwa bya bisasu, habamo kandi ikarita ingana na cm 7.5/13, ari nayo ibaho za kode zose za bya bisasu, habarizwamo kandi agatabo kariho tumwe mu duce tw’ibanga dufite umutekano perezida ashobora kujyanwaho igihe nta mutekano uri mu gihugu.

Iri zina rya football ryaturutse kuri kode bise “drop kick’’, kugirango bajye bajijisha buri umwe ntabashe gusobanukirwa imikorere ya nuclear football.

Ubwo Ronald Reagan yayoboraga Leta Zunze Ubumwe za amerika, yaje gushimutwa, abamushimuse bashaka kumwambura ‘’coded card’’iyi ni ikarita iba iriho kode cyangwa imbarutso ya buri gisasu kibarizwa ku butaka bwa Amerika, gusa mu kumukuramo imyambaro babuze iyo karita, nyuma Abanyamerika baza gutahura ko yari yayihishe mu isogisi, bituma bamufata nk’intwari, kuko yanze kumena amabanga y’igihugu.

Perezida wa Leta Zunze Ubumwe za Amerika, agomba kuba afite kode ziri ku ikarita ya plastic, ibi bakabyita ‘’biscuit’’.

Leta Zunze Ubumwe za America zifite abantu babiri bahora hafi y’izo ntwaro, gusa amabwiriza yo kuzirekura bayahabwa n’umukuru w’igihugu.

Football cyangwa black box itwarwa n’umuntu umwe gusa kandi itegeko rivuga ko agomba kugendana na perezida aho agiye hose n’indege iyo ariyo yose agiyemo.

 

Urebye si muri Amerika gusa kuko usanga nahandi aho Perezida agiye hose agomba kuba ari kumwe n’umusirikare ufite iki gikapu

Kanda kuri SUBSCRIBE ujye ubona ibiganiro n’indirimbo bishya

Mbarushimana Africa/Bwiza.Com

Izindi wakunda

Bwiza.com
error: Alert: Ntabwo byemewe!!