bwiza.com
Ahabanza » Paris: Perezida Kagame yakiriwe na mugenzi we w’u Bufaransa, Emmanuel Macro- AMAFOTO
Featured

Paris: Perezida Kagame yakiriwe na mugenzi we w’u Bufaransa, Emmanuel Macro- AMAFOTO

Perezida Kagame w’u Rwanda yakiriwe mu gihugu cy’u Bufaransa kuri uyu wa 23 Gicurasi 2018, na mugenzi we, Emmanuel Macro, banagirana ibiganiro byihariye bigamije gutsura umubano w’ibihugu byombi.

Kuri uyu munsi, Perezida Paul Kagame ari i Paris mu ihuriro ryo guteza imbere Ikoranabuhanga mu Mishinga Igitangira ‘VivaTech’, rizamara iminsi ibiri, uyu munsi ku wa Gatatu no ku wa Kane.

Bicishijwe ku rukuta rwa Twitter ya Perezidansi y’u Rwanda, batangaza ko Perezida Kagame yakiriwe na mugenzi we, Emmanuel Macron mu Ngoro ye i Élysée, ko bagomba kuganira ku mubano w’ibihugu byombi, bakanahura n’abayobozi 60 b’ibigo by’ikoranabuhanga bikomeye mu Bufaransa.

Ku wa Mbere tariki ya 21 Gicurasi 2018, nibwo Radio Mpuzamahanga y’Abafaransa (RFI) yatangaje ko Perezida Kagame na Macro bazabonanira i Champs-Élysées, iki ngo kikaba ari nk’ikimenyetso cyiza cyo kuzura umubano hagati y’ibihugu byombi [Rwanda & France].

Perezida Kagame na Macro bakaba bagirana ibiganira byibanza ku bucuruzi, ishoramari, ikoranabuhanga, ubuzima, n’umubano hagati y’ibihugu byombi [u Rwanda & France.

Bashobora kuganira kandi kuri kandidatire ya Minisitiri w’Ububanyi n’amahanga w’u Rwanda, Louise Mushikiwabo,  bivugwa ko ashobora kwiyamamariza kuba Umunyamabanga Mukuru w’Umuryango w’Ibihugu Bikoresha igifafaransa (Organisation internationale de la Francophonie ‘OIF’).

U Rwanda rushinja u Bufaransa kugira uruhare rukomeye muri jenoside yakorewe Abatutsi mu 1994, igahitana abasaga miliyoni. Iki gihugu n’iyi saha ntabwo cyari cyerura ngo cyemere uruhare rwacyo muri iyi jenoside.

Kuba Perezida Kagame azaba ahuye na Macro ku nshuro ya kane mu mezi umunani ashize, ngo cyaba ari ikimenyetso ndetse n’ubushake bwo gushaka uburyo umubano w’ibi bihugu byombi wazuka.

Perezida Kagame yakirwa na mugenzi we, Emmanuel Macro

Perezida Kagame na Macro babonanye n’abayobozi 60 b’ibigo by’ikoranabuhanga bikomeye

Amafoto: Village Urugwiro

Izindi wakunda

Bwiza.com