bwiza.com
Ahabanza » Prince Harry uherutse gukora ubukwe bwahuruje isi, ni muntu ki?
Amakuru Amateka

Prince Harry uherutse gukora ubukwe bwahuruje isi, ni muntu ki?

Ku wa Gatandatu tariki 19 Gicurasi 2018, nibwo Isi yose yari ihanze amaso mu Bwongereza ahaberaga ubukwe bw’igikomangoma Harry n’umukinnyi wa filimi, Meghan Markle.

Prince Henry amazina ye yose ni Henry Charles Albert David. yavutse tariki 15 Nzeri 1984 avukira mu bitaro bya St Mary muri Pendindton i London mu Bwongereza, akaba umuvandimwe wa  wa Prince William ise ubabyara ni Prince Charles na Princess Dianna Spencer.

Ubuzima bw’ishuri

Prince Harry yize amashuri abanza ahitwa  Ludgrove aho na mukuru we yize, akomereza ayisumbuye muri Eton College aho yarangirije muri 2003 agahita yerekeza muri Austraria, aho gukomeza kaminuza Harry yahise ayoboka Sandhurst—Britain’s leading military academy ahabwa imyitozo yagisirikare aha hari mu 2005 maze mu mwaka umwe gusa agirwa comiseri mugisirikare cy’ubwongereza aho yakomeje kujya kurutonde rwabarazwe ingoma y’ubutwari y’ubwongereza.

Ubuzima bwe nk’umusirikare 

Mu 2007 byatangajwe ko itsinda ry’abasirikare barimo Harry bagomba kujya kurwana muri IraQ gusa abashinzwe ubujyanama mu gisirikare cy’ubwongereza bemeje ko Harry atagomba kujya kurwana muri IraQ kuko byashoboraga gushyira abasirikare bari kumwe nawe mu kaga bitewe n’uko abanzi bari kuba bamushaka cyane nk’igikomangoma.

Ntibyarangiriye aha kuko mu kuboza 2007 we nitsinda ry’abasirikare bagiye muri Afganistan mu gikorwa cyo kuzenguruka iki gihugu mu rwego rw’ubutasi iki gikorwa cyarangiye muri gashyantare 2008

Kuva 2012 kugeza 2013 yatwaraga indege zintambara (helicopter) zijyaga mu Afganistan mu bikorwa byo kugarura amahoro muri icyo gihugu.Harry wari ufite ipeti rya Kapiteni(captain) yasoje imirimo y’igisirikare muri 2015

Ibikorwa bya muranze, n’ibyo akunda gukora mubuzima bwe bwaburi munsi

Prince Harry yagiye agaragara mu mirimo itandukanye aho yakoze ibikorwa bijyanye no kubungabunga ibinyabuzima ku mugabane w’Afurika ndetse no mubikorwa by’urukundo no mubukangura mbaga bwo kwirinda ubwandu bwagakoko gatera Sida.

Muri 2017 yahuraga n’umunyarwandakazi Yvette Twagiramariya ukozi wa Radiyo mpuzamahanga yabongereza (BBC) bagahurira  i Hackney mu Mujyi wa London nabwo mu gikorwa cy’ubukangurambaga ku kwirinda Virusi itera Sida.

Mu 2006 yabashinze umuryango wita kubana mu gihugu cya Lesotho nyuma yibyo byose Harry yashyizeho amarushanwa yihariye yise Invictus Games ukubiyemo imikino myinshi nko gusiganwa kumaguru,umukino wintoki, kunaga imihunda, Rugby, gutwara moto nini ndetse no koga mu mazi menshi iyi mikino yose ikaba iterwa inkunga na Leta y’ubwongereza ibinyujije mu mushinga wayo witwa LIBOR(London Interbank Offered Rate) iyi mikino ikaba iba buri mwaka.

Ibijyanye n’ubuzima bw’urukundo

Tariki 08 Ugushyingo 2016 nibwo byasakaye ku mbuga nkoranyambaga no mubinyamakuru ko Prince Harry ari murukundo n’umukinnyi wamafilime Meghan markle ari nabwo bwambere bagaragaye barikumwe ibintu byatangaje besnhi.

Tariki 19 Gicurasi 2018 Harry na  Meghan ubukwe bwabo bwabaye ubwagahebuzo ku isi dore ko bwatashywe n’ibihumbi byabantu bari buzuye imihanda yose .

Prince Harry n’umukunzi we Meghan

U Bwongereza: Ubukwe bw’igikomangoma, Harry n’umukunzi we Meghan bwabaye ubw’agatangaza– AMAFOTO

 

Izindi wakunda

Bwiza.com
error: Alert: Ntabwo byemewe!!