bwiza.com
Ahabanza » Gicumbi: Umunyamakuru wa RBA, Camile Athanase yagizwe Meya w’agateganyo
Amakuru mu Rwanda mu Rwanda Politiki

Gicumbi: Umunyamakuru wa RBA, Camile Athanase yagizwe Meya w’agateganyo

Nyuma y’uko bitangajwe ko uwari umuyobozi w’agateganyo w’akarere ka Gicumbi, Jean Claude Sewase Karangwa yeguye ataramara n’iminsi 7, njyanama y’aka karere yahise iterana itora umunyamakuru Camile Athanase aba ari we umusimbura by’agateganyo.

Uyu Camille Athanase amaze imyaka irenga ibiri ari umujyanama w’Akarere ka Gicumbi, ubu akaba yari umunyamabanga w’iyi nama Njyanama y’Akarere hakiyongeraho no kuba asanzwe ari umunyamakuru wa radio na Televiziyo by’igihugu bikorera mu kigo RBA .

Uwo Athanase yasimbuye yashyizweho kuwa Gatanu w’icyumweru cyashize tariki ya 25 Gicurasi 2018, yerekwa abaturage bukeye bwaho mu muganda wo kuwa 26 nk’umuyobozi mushya w’agateganyo, yegura kuwa 31 muri uko kwezi.

Mu nshingano yahawe, Athanase yasabwe kudakora nk’ibyo abamubanjirije bagiye bakora kugira ngo nawe atazabakurikira.

Izindi wakunda

Bwiza.com