bwiza.com
Ahabanza » Igitero cyo ku munsi w’inyana (IGICE CYA 1)
Amateka Amateka n'umuco mu Rwanda

Igitero cyo ku munsi w’inyana (IGICE CYA 1)

Iki ni igitero cyabaye ku ngoma ya Yuhi IV Gahindiro, ahasaga mu mwaka wa 1746, uyu mwami yari afite uburyo yagabanyijemo iminsi ye, maze imirimo ye akayigabanya mu minsi umunani, afite gahunda ntatezuka. Buri munsi wagiraga umurimo, umushakira ibindi akamutegereza nimugoroba.

Iminsi ye yari igabanije muri ubu buryo:

-umunsi wa Mbere n’uwa Kabiri: Iyi yari iminsi yo kuragura, uwaraguraga yagombaga kuba azi kuraguza inkoko, intama, inzuzi n’ibindi.

-Ku wa  Gatatu no ku wa Kane: Iyi yari iminsi yirirwaga aca imanza, uwamushakaga yirirwanaga na we ku Karubanda kugeza igihe imanza zirangiriye.

-Ku wa Gatanu: Uyu wari umunsi wo kurasa intego bakoresheje imiheto n’imyambi.

-Ku wa Gatandatu: Uyu wari umunsi wo kwirirwana n’abaturage ku Karubanda.

-Kuwa Karindrwi: Uyu wari umunsi wo kwirirwana n’abagore be, icyo gihe nta wamurogoyaga cyeretse uwari ushinzwe kumuterekerera itabi.

-Ku munsi wa Munani: Uyu wari umunsi w’inka, yirirwaga areba i Nyarurembo, abamushakaga bitwazaga inkono n’inkuyu.

Iki gitero cyo ku munsi w’inyana cyatewe ari ku munsi wa munani, ari nayo mpamvu nyayo cyiswe igitero cyo ku munsi w’inyana, kuko ariwo munsi umwami w’u Rwanda Yuhi IV Gahindiro yari yarahariye kwita ku nka,no kureba imitavu yavutse.

Iki ni igitero cyatewe na Sayinzoga waciye ku iteka ry’umwami , abandi banze ko yabatwara umuhigo, baramwikurikiza ariko umwami ntiyabona uburyo yabahana, ashaka kubahanisha imirwano, maze anyagisha ku bwende inyana z’inyambo za Sayinzoga, agira ngo bazaze kuzitwara, imirwano itangira ubwo.

Tuzabagezaho igice ya kabiri….

Mbarushimana Africa/Bwiza.Com

Izindi wakunda

Bwiza.com