bwiza.com
Ahabanza » Loni ibabajwe n’urupfu rw’umusirikare w’u Burundi warasiwe muri Centrafrika
Amakuru

Loni ibabajwe n’urupfu rw’umusirikare w’u Burundi warasiwe muri Centrafrika

António Guterres

Umunyamabanga Mukuru w’Umuryango w’Abibumbye, António Guterres yatangaje ko bababajwe n’umusirikare w’u Burundi wiciwe muri Repubulika ya Centrafrika, aho yari ari mu butumwa bwo kugarura amahoro.

Guterres yatangaje ko urupfu rw’uyu musirikare rwatumye habaho icyunamo cyo kunamira n’abandi basirikare batanu ba Loni bamaze gusiga ubuzima bwabo muri Centrafrika kuva uyu mwaka watangira.

Yatangaje kandi ko kwica abasirikare b’umuryango w’abibumbye bari mu butumwa bwo kugarura amahoro, bifatwa nk’icyaha kiremereye cy’intambara.

Akaba asaba ubuyobozi bwa Centrafrika gukora iperereza ryimbitse kugira ngo uwakoze ubwo bwicanyi amenyekane abihanirwe.

Umusirikare w’u Burundi yiciwe muri Centrafrika

Ku ruhande rwa Leta y’u Burundi, abicishije ku rukuta rwe rwa Twitter, icyegera cya mbere cy’u mukuru w’igihugu, Gaston Sindimwo, yatangaje ko bakiranye akababaro k’iyi nkuru y’uyu musirikare wabo wapfiriye mu mirwayo yabereye mu gace ka Bambari.

Muri ubwo butumwa bwe bwo kuri Twitter, Sindimwo yatangaje ko ashimira abasirikare b’u Burundi ku bw’ubutwari bwabo, ko bitanga bakaba bahanahasiga ubuzima kugirango Afurika ibone amahoro.

Izi ngabo z’umuryango w’abibumbye ziri mu butumwa bwo kugarura amahoro muri Centrafrika kuva mu 2014, ubwo muri iki kihugu hadukaga intambara z’abaturage zishingiye ku moko n’amadini.

 

 

Izindi wakunda

Bwiza.com