bwiza.com
Ahabanza » RDC: Nta mukongomani uba hanze y’igihugu wemerewe kuzitabira amatora y’umukuru w’ibihugu
Amakuru mu mahanga Politiki

RDC: Nta mukongomani uba hanze y’igihugu wemerewe kuzitabira amatora y’umukuru w’ibihugu

Guverinoma ya Repubulika iharanira Demokarasi ya Congo yatangaje ko nta muturage ukomoka muri kiriya gihugu uba hanze yacyo uzitabira ibikorwa by’amatora y’umukuru w’igihugu ateganyijwe kuwa 23 ukuboza 2018.

Minisitiri ushinzwe gukurikirana abanyagihugu baba  mu mahanga, Emmanuel Ilunga avuga ko habarwa abakongomani basaga Miliyoni 16 bibera hanze y’igihugu, bikaba byemejwe ko umuturage utazaba ari mu gihugu mu gihe cy’amatora atazaba yemerewe gutora cyangwa kwiyamamaza.

Inteko rusange yemeje ko itegeko ryemereraga abanyagihugu baba hanze gutora rikurwaho hakazatora abari mu gihugu kuko kubarura amajwi yabo bose byazagora inzego zifite amatora mu nshingano nk’uko byatangajwe na Henri Thomas Lokondo ukoranira bya hafi na perezida Kabila.

Uyu muyobozi yakomeje asobanura ko mu gihe cy’amatora yo muri kiriya gihugu, Abakongomani baba mu mahanga barangwa n’ibikorwa by’imyigaragambyo kuko ambasade zabo zitabasha gukora lisite zujuje ubuziranenge z’abenegihugu baba mu mahanga bagomba gutora dore ko no mu matora aheruka yaba aya 2006 na 2011, ababa mu mahanga batatoye.

Kugeza ubu abasaga Miliyoni 40 nibo bamaze kwiyandikisha muri lisiti z’itora bitegura gutora mu matora ari imbere.

 

Izindi wakunda

Bwiza.com