bwiza.com
Amakuru Imyidagaduro

Rurageretse hagati ya Sheebah Karungi na Cindy bahigana ubutwari mu muziki

Umuhanzikazi muri Uganda Cindy Sanyu avugwaho kuba umwe mu bakobwa b’abaririmbyi muri kiriya gihugu bazi kuryoshya no gususurutsa urubyiniro, mu gihe mugenzi we Sheebah Karungi na we yiyumva ko akunzwe nk’umukobwa w’umuhanzi ubica bigacika mu gihugu no mu karere.

Aba bahanzi 2 bamaze igihe bahanganye mu magambo byageze aho baratobora bavuga ikibari ku mutima ndetse buri umwe avuga icyo atekereza ku wundi.

 

Kugeza ubu, Sheebah Karungi uzwi muri kiriya gihugu ku tuzina nka  Karma Queen yamaze gutangaza ko yiteguye kuba isaha iyo ari yo yose yahura na na mugenzi we Sindi ngo bahigane ubutwari ariko agira icyo amuvugaho yeruye.

Yagize ati”Nubaha Cindy cyane kandi na we arabizi, guhangana na we rero byaba ari ukwiyambura icyubahiro. Cindy ni umukobwa wanjye ariko niba abishaka azampamagare.”

Ku rundi ruhande, ubwo yavugiraga kuri Magic Radio, Cindy yavuze ko yiteguye guhangana na sheebah bityo hakamenyekana umwamikazi w’umukino impaka zigashira.

Mu ntangiriro z’uyu mwaka na bwo, umuhanzi Jose Chameleone yahiganye na mugenzi we  Bebe Cool biranyira Chameleone amuhigitse mu gukunda mu muziki.

 

Biteganyijwe ko vuba aha aba bahanzikazi bombi bahurira mu gitaramo nab o bakisuzuma ariko itariki ikaba itaramenyekana.

 

 

 

Izindi wakunda

Bwiza.com