bwiza.com
Ahabanza » Urutonde rw’Abaperezida 9 ba Afurika bagiye bava ku butegetsi neza nta maraso amenetse
Featured IBYEGERANYO

Urutonde rw’Abaperezida 9 ba Afurika bagiye bava ku butegetsi neza nta maraso amenetse

Bamwe mu bayobozi b’ibihugu bitewe n’uburyo baba bagambiriye kugundira ubuyobozi cyangwa gukora ibihabanye na Demokarasi, nibyo bituma bavanwa ku buyobozi, rimwe na rimwe bakabuvaho amaraso amenetse.

Uyu munsi Bwiza.com yabateguriye urutonde rw’abaperezida 9 bagiye babuvaho neza, bakemera kubuvaho batabanje gutegereza ko amaraso ameneka, hari abagiye batsindwa amatora barangije manda imwe, abandi bagasabwa kwegura kandi bigakorwa neza,….

9.Goodluck Jonathan:

Goodluck Jonathan w’imyaka 60 yahoze ari Perezida wa Nigeria kuva mu 2010 kugera mu 2015. Ubwo yiyamamazaga kuri manda ye ya kabiri, uyu mugabo yatsinzwe amatora, yemera kubuvaho neza.

Bitangazwa ko Perezida Goodluck ari we wa mbere wabashije kuyobora Nigeria mu mahoro ndetse akanemera kurekura ubutegetsi nta maraso y’abaturage amenwe.

8.Joyce Banda:

Joyce Banda w’imyaka 69 y’amavuko, mu mwaka wa 2012 ubwo yajyaga ku butegetsi muri Malawi, yari asimbuye Bingu wa Mutharika wari umaze kwicwa. Nyuma y’imyaka ibiri ayobora inzibacyuho, mu 2014 yatsinzwe amatora atanga ubuyobozi mu mahoro.

7.Abdoulaye Wade:

Wade yamaze imyaka 26 ayoboye opozisiyo muri Senegal, yabaye Perezida wa Malawi kuva mu 2004 kugera mu 2012, ku buyobozi bwe yanagizwe umuyobozi w’umuryango wa Afurika yunze ubumwe (AU) 2010-2011, mu mwaka wa 2012 nibwo yishwe n’uburwayi bw’umutima afite imyaka 76.

6.Rupiah Banda:

Banda afite imyaka 81 y’amavuko, yayoboye Zambia mu 2008 kugera 2011, ,muri uyu mwaka ubwo yiyamamazaga gukomeza kuyobora iki gihugu, yaratsinzwe anahita yemera ibyavuye mu matora.

5.Abdou Diouf:

Ku myaka ye 82 y’amavuko, Diouf yabaye Perezida wa kabiri wa Senegal kuva mu 1981 kugera mu 2000, nyuma yo gutsindwa amatora yo muri uyu mwaka, nibwo yahise arekura ubuyobozu ku mahoro.

4.Mugabe Robert:

Perezida Mugabe wari umaze imyaka isaga 30 ku buyobozi yegujwe mu Ukuboza 2017, uyu muperezida wari wizeye kuzayobora iki gihugu kugera ashizemo umwuka, byaratunguranye kumva ko yegujwe.

Mugabe yavanwe ku buyoboze hari hashizse igihe gito nabwo avanwe ku buyobozi bw’ishyaka asimbuzwa Emmerson Mnanganwa ari nawe wanamusimbuye ku buyobozi.

Mugabe w’imyaka 94 y’amavuko, yafashije Zimbabwe kugera ku bwigenge ndetse anirukana abazungu ku butaka bwa Zimbabwe anabambura ibikingi, ibi byatumye abaturage bamukunda cyane ariko imyaka yari agezemo, biza kugaragara ko umutungo w’igihugu usesagurwa, bigashinjwa umugore we Grace Mugabe ko yabikoraga agimije gushaka imbaraga zo kuzasimbura umugabo we.

3.NicéphoreDieudonné Soglo:

Soglo w’imyaka 83 y’amavuko, kuva mu 1990-1991 yari Minisitiri w’Intebe wa Benin, mu 1991 yatsinze amatora arayobora kugera mu 1996, muri Werurwe uwo mwaka Soglo yongeye gutsinda amatora ku kiciro cyari icya mbere, icya kabiri aratsindwa, Mathieu Kerekou aba ari we uwegukana n’amajwi 53.49.  Nyuma yo gutsindwa amatora, Soglo yavuye ku buyobozi neza nta ngingimira.

2.Pierre Buyoya:

Pierre Buyoya yari azwiho kuba umuhanga mu gutegura Coup d’Etat, akaba yarayoboye u Burundi inshuro ebyiri, kuva mu 1987-1993 aribwo Ndadaye Merchiole yafataga ubutegetsi agahita yicwa.

Mu 1996 Buyoya yagarutse ku butegetsi nabwo akoze indi kudeta, mu 2003 abuvaho, ari nabwo nyuma hasinywe amasezerano y’i Arusha yo guhagarika intambara no kunga Abarundi, mu 2005 hatorwa Pierre Nkurunziza.

1.Jacob Zuma:

Kuva mu 2009 Jacob Zuma yayoboraga Afurika y’Epfo, kuwa 14 Gashyantare 2018, nibwo yasabwe n’ishyaka abarizwamo rya ANC kuva ku buyobozi, bikorwa nta maraso amenetse.

Jacob Zuma yavuye ku buyobozi ashinjwa ibyaha birimo ruswa no gukoresha nabi umutungu wa Leta ku nyungu ze bwite, ubu akaba atorohewe n’inkiko.

 

 

Izindi wakunda

3 Ibitekerezo

kadogi July 30, 2018 at 9:29 am

Ariko na Pasteur Bizimungu yabuvuyeho nta maraso amenetse.

Subiza
Joel Biraro July 30, 2018 at 10:25 am

harya Bizimungu Pasteur we siko yavuyeho

Subiza
Karisa August 1, 2018 at 4:18 am

Hhhhhh!! Nabuyoya umushyizeho nabantu yishe? Twabaye muburundi amateka ye turayazi, Ari nomubishe ndadaye none ngo ntamaraso yamenetse?

Subiza

Tanga Igitekerezo

Bwiza.com