bwiza.com
Ahabanza » Koffi Annan, Umwirabura wa mbere wayoboye Loni, yitabye Imana ku myaka 80 y’amavuko
Amakuru Politiki

Koffi Annan, Umwirabura wa mbere wayoboye Loni, yitabye Imana ku myaka 80 y’amavuko

Koffi Annan wabaye umunyamabanga Mukuru w’Umuryango w’Abibumbye ndetse agatsindira igihembo cya Nobel kubera ibikorwa by’ubutabazi, yitabye Imana kuri uyu wa Gatandatu ku myaka 80 y’amavuko.

Foundation ya Koffi Annan yatangaje aya makuru iravuga ko yapfuye mu mahoro kuri uyu wa Gatandatu, itariki 18 Kanama, nyuma y’uburwayi bw’igihe gito.

Koffi Annan ukomoka mu gihugu cya Ghana niwe mwirabura wa mbere wabaye Umunyamabanga Mukuru wa Loni kuva mu 1997 kugeza mu 2006.

Nyuma, yabaye Intumwa idasanzwe y’Umuryango w’Abibumbye muri Syria ayoboye umugambi wo gukemura amakimbirane yo muri iki gihugu mu mahoro nk’uko BBC dukesha iyi nkuru ikomeza ivuga.

Mu itangazo riranga urupfu rwe ryashyizwe ahagaragara, Koffi Annan Foundation imusobanura nk’umunyapolitiki mpuzamahanga waharaniye mu buzima bwe Isi irangwa n’amahoro.

Ngo aho yabaga akenewe hose ngo yarahageraga akagaragariza abantu benshi impuhwe kandi akaba yararanzwe no gushyira abandi imbere no kuba umuhanga mu byo yakoze byose.

 

Izindi wakunda

Bwiza.com