bwiza.com
Ahabanza » Eden Hazard avuga ko nta gahunda afite yo kuva muri Chelsea uyu mwaka
Imikino

Eden Hazard avuga ko nta gahunda afite yo kuva muri Chelsea uyu mwaka

Umubiligi Eden Hazard w’imyaka 27 y’amavuko avuga ko nyuma y’amakuru yavugaga ko agiye kwerekeza mu ikipe ya Real Madrid, nta gahunda afite yo kuva muri Chelsea uyu mwaka.

Aganira na RMC Sports ku wa Gatandatu tariki ya 18 Kanama 2018, Hazard yatangaje umwanzuro we utandukanye n’ibyatangazwaga ko ari mu nzira igana muri Real Madrid.

Yagize ati “ Kugenda uyu mwaka? Ntabwo nzagenda, icya mbere cyo igura n’igurisha ry’abakinnyi ryararangiye, nta sinya ry’abakinnyi ririho, bizaba bitangaje nibandeka[ubuyobozi bwa Chelsea] nkagenda ntibanagure abakinnyi bashya, biranagaragara uyu munsi ko abafana banyishimiye, hano meze neza, buri wese azi uko natangaje nyuma y’imikino y’igikombe cy’Isi, gusa nishimiye kuba ndi hano…”.

Eden Hazard yinjiye mu Ikipe ya Chelsea ku wa 4 Kamena 2012 avuye mu ikipe ya Lille, amakuru yo kuba agiye kuva muri iyi kipe akaba yaratangiye kuvugwa nyuma y’ukwigaragaza kwe mu mikino y’igikombe cy’isi 2018 ndetse n’igurishwa rya Cristiano Ronaldo usa nk’uwasize icyuho muri Real Madridi.

Izindi wakunda

Bwiza.com