bwiza.com
Ahabanza » Zakia Hussen yabaye umugore wa mbere wambitswe ipeti rya Brig.General muri Somalia- AMAFOTO
Amakuru Politiki

Zakia Hussen yabaye umugore wa mbere wambitswe ipeti rya Brig.General muri Somalia- AMAFOTO

Col. Zakia Hussen Ahmed yazamuwe mu ntera yambikwa ipeti rya burigadiye jenerali (Brig.General) mu gipolisi cya Somalia, aba umugore wa mbere mu mateka y’iki gihugu ugeze kuri uru rwego.

Mu muhango uyu mugire yambikiwemo iri peti, Minisitiri w’Intebe w’iki gihugu, Hassan Ali Khayre yatangaje ko abagore bafite ubushobozi n’uburenganzira mu gihugu cyabo bwo kugaragaza ubushobozi bifitemo.

Yagize ati “Niba abagore bagize 50% by’abaturage ba Somalia, bagomba kugaragaza ibyo bashoboye, bose bagomba kugira uburenganzira, bitabaye ibyo ntabwo twaba tugihiganwe n’ibindi bihugu duturanye”.

Yakomeje agira ati “Ndifuza gushishikariza abagore ba Somalia kwivanamo intekerezo zo gusigara inyuma, ndifuza kubasaba kugira intego y’uko mwibonamo Minisitiri w’Intebe na Perezida w’ibigihugu cyacu bavuye muri mwe”.

Ku wa 16 Kanama 2018, nibwo Col Zakia yazamuwe mu ntera mu kazi na Perezida Mohamed Abdullahi Farmajo agirwa umuyobozi wa polisi wungirije.

 

Izindi wakunda

Bwiza.com