bwiza.com
Ahabanza » Bwa mbere mu mateka y’u Rwanda,Rayon Sports ibonye itike ya 1/4 mu marushanwa ya CAF
Imikino

Bwa mbere mu mateka y’u Rwanda,Rayon Sports ibonye itike ya 1/4 mu marushanwa ya CAF

Ikipe ikunzwe nabatari bake hano mu Rwanda no mukarere izwi nka Rayon Sports itsinze Yanga Africans igitego 1-0 ihita ibona itike iyijyana mu kiciro gikurikiye cya 1/4 cya confederations cup.

Ni umukino wabaye kuri uyu wa Gatatu kuri sitade ya Kigali i Nyamirambo urangiye iyi kipe yambara ubururu n’umweru bakunda kwita gikundiro itsinze Yanga Africans yo muri Tanzania igitego kimwe ku busa cya Bimenyimana Bonfils Caleb bituma ihita ikomeza muri 1/4 aho ikomezanyije na USM Alger .

Rayon yayoboye igice cya mbere mu guhererekanya neza no gukora uburyo bwo gutsinda igitego nubwo igice cya mbere cyarangiye nta kindi gitego kibonetse ku mpande zombi.

Mu gice cya kabiri Rayon Sports nabwo yakomeje kuyobora umupira ihererekanya inacenga neza, ibona koruneri zigera kuri enye n’uburyo bwiza bubiri bwo gutsinda ariko ntibatera mu izamu.

Nkuko byari byitezwe mu itsinda D Rayon Sports ihuriyemo na Gor Mahia, I Alger muri Algeria Gor Mahia ntiyabashije kuhivana kuko yatsinzwe na USM Alger ibitego bibiri ku busa bituma iyi kipe ariyo izamukana na Rayon Sports muri 1/4 cy’iri rushanwa rya Confederation Cup.

11 babanjemo ku ruhande rwa rayon Sports
11 babanjemo ku ruhande rwa Yanga Africans

Izindi wakunda

Bwiza.com
error: Alert: Ntabwo byemewe!!