bwiza.com
Ahabanza » Amakipe Rayon Sports ishobora gutombora muri 1/4 cya CAF CC yamenyekanye
Imikino

Amakipe Rayon Sports ishobora gutombora muri 1/4 cya CAF CC yamenyekanye

Ku wa 29 Kanama 2018 ni bwo ikipe ya Rayon Sports yakatishije itike ya 1/4 cya CAF Confederation cup nyuma yo gutsinda Young Africans igitego 1-0 i Kigali. amakipe Rayon Sports ishobora gutombora harimo Raja Casablanca yo muri Maroc,RS Berkane, na Enyimba FC yo muri Nigeria.

Tombora y’uko amakipe azahura iteganyijwe Ku wa mbere tariki 3 Nzeri 2018 i Cairo mu Misiri aho ubuyobozi bw’impuzamashyirahamwe y’umupira w’amaguru muri Afurika buzatangaza uko amakipe azahura muri ¼ cya ‘CAF Champions League na CAF Confederation Cup ari nacyo gice Rayon Sports iherereyemo’.

Rayon Sports yarangije ari iya kabiri mu itsinda ‘D’ inyuma ya USM Alger yo muri Algeria ntabwo izi kipe zombi zishobora gutomborana ahubwo izatomborwa n’imwe mu makipe atatu yabaye aya mbere mu yandi matsinda arimo afite amateka akomeye muri aya marushanwa nka; Enyimba International Football Club yo muri Nigeria, Raja Athletic sports club of Casablanca na Renaissance Sportive de Berkane zo muri Maroc.

Umukino ubanza wa ¼ wa CAF Confederation Cup uzakinwa hagati ya tariki 14 na 16 Nzeri 2018. Rayon sports kuko yabaye iya kabiri mu itsinda izakira umukino ubanza i Kigali.

Amakipe 8 yageze muri 1/4 cya CAF Confederation Cup

Izindi wakunda

Bwiza.com