bwiza.com
Ahabanza » CPI izatanga umwanzuro ku cyaha cya nyuma ikurikiranyeho Jean-Pierre Bemba mu kwezi gutaha
Amakuru Politiki

CPI izatanga umwanzuro ku cyaha cya nyuma ikurikiranyeho Jean-Pierre Bemba mu kwezi gutaha

AppleMark

Umunyapolitiki Jean-Pierre Bemba, yongeye guhamagazwa n’Urukiko Mpuzamahanga Mpanabyaha ruzatanga umwanzuro warwo kuwa 17 Nzeri ku cyaha cyo gucecekesha abatangabuhamya rwari rukurikiranyeho umunyapolitiki Jean-Pierre Bemba ruherutse kurekura nyuma yo kumugira umwere ku bindi byaha by’intambara yari akurikiranweho.

Ibi ni ibyatangajwe n’Uru Rukiko Mpuzamhanga Mpanabyaha rwa La Haye kuri uyu wa gatatu, itariki 29 Kanama nk’uko iyi nkuru dukesha Ijwi rya Amerika ikomeza ivuga.

Uru rukiko rurateganya kuzatanga umwanzuro warwo kuwa 17 Nzeri 2017 mu rubanza Bemba yareganwagamo n’abandi bantu babiri nk’uko uru rukiko rwabitangaje.

Mu kwezi kwa Kamena nibwo Jean-Pierre Bemba yahanaguweho ibyaha by’intambara n’ibyibasiye inyokomuntu yashinjwaga, asigara akurikiranweho icyaha cyo gupfuka umunwa abatangabuhamya. Iki kikaba cyaranamubujije amahirwe yo kujya ku rutonde rw’abakandida bemerewe kuzahatana mu matora y’umukuru w’igihugu ateganyijwe muri Repubulika iharanira Demokarasi ya Congo kuwa 23 Ukuboza 2018.

Kuwa 04 Nyakanga imbere y’icyumba cy’ibanze cy’Urukiko Mpuzamahanga Mpanabyaha, Me Kweku Vanderpuye, umushinjacyaha wa mbere wungirije Umushinjacyaha mukuru, Fatou Bensouda, yari yasabiye Jean-Pierre Bemba na bagenzi be babiri bareganwa, igifungo cy’imyaka 5 ndetse n’amande, kubera gucecekesha abatangabuhamya bagera kuri 14.

 

 

Izindi wakunda

Bwiza.com