bwiza.com
Ahabanza » Gen Kale Kayihura yageze I Nairobi nyuma yo kwemererwa gukurikiranwa adafunze
Amakuru Politiki

Gen Kale Kayihura yageze I Nairobi nyuma yo kwemererwa gukurikiranwa adafunze

Uwahoze ari Umukuru w’Igipolisi cya Uganda kuri ubu uri gukurikiranwa n’ubutabera, Gen Kale Kayihura, ngo yaba yerekeje muri Kenya aho yagiye kwivuriza nk’uko amakuru aturuka mu muryango we agera ku rubuga Spyreports akomeza avuga. Biravugwa ko yuririye ku Kibuga cy’Indege cya Entebbe mu ndege ya Kenya Airways yerekeje I Nairobi mu Bitaro bya Agha Khan.

Iyi nkuru iravuga ko Gen Kayihura ufite ikibazo gikomeye cya Diabete yagiye muri Kenya aherekejwe n’umugore we, Angella Kayihura.

Iyi nkuru irakomeza ivuga ko Gen Kale Kayihura azamara icyumweru muri Kenya mbere yo kugaruka I Kampala, aho azasubira imbere y’urukiko kuwa 01 Ukwakira nk’uko biteganywa n’amabwiriza yo kumurikirana adafunze yahawe.

Kuri uyu wa Mbere ushize, abunganira Kayihura basabye Urukiko Rukuru rwa Gisirikare uruhushya rwo kujya kwivuza I Nairobi ku muganga w’inzobere.

Gen Kale Kayihura akurikiranweho ibyaha biagera kuri bitatu birimo kunanirwa inshingano ze, gushimuta no gucyura ku ngufu impunzi z’Abanyarwanda no kunanirwa kurinda ibikoresho by’intambara. Ibyaha byose yahakanye.

Kuwa 28 Kanama nibwo yemerewe gukurikiranwa adafunze hashingiwe ku myaka afite, n’ibibazo by’uburwayi, ategekwa kujya yitaba buri wa mbere w’ukwezi no kutarenga uturere two hagati muri Wakiso no mu murwa mukuru, Kampala.

 

Izindi wakunda

Bwiza.com
error: Alert: Ntabwo byemewe!!