bwiza.com
Ahabanza » Uganda: Uwahoze ari komanda wa polisi yishwe nk’uko AIGP Andrew Kaweesi yishwe
Amakuru Ubuzima

Uganda: Uwahoze ari komanda wa polisi yishwe nk’uko AIGP Andrew Kaweesi yishwe

Uwahoze ari komanda wa polisi mu Karere ka Buyende mu gihugu cya Uganda ari we ASP Muhammad Kirumira n’detse n’undi mugore bari kumwe witwa Resty Nalinya baraye bishwe mu ijoro ryo kuri uyu wa Gatandatu mu buryo bujya gusa nk’uko AIGP Andrew Kaweesi yishwemo. amakuru ya mbere akaba yavugaga ko ari umugore we, Mariam Kirumuri bari bari kumwe.

ASP Muhammad Kirumira akaba yicanywe n’umugore bari kumwe ahitwa Bulenga mu Karere ka Wakiso ubwo bari mu modoka ye ataha ageze hafi yiwe. Abatangabuhamya bavuga ko barashwe n’abantu bari kuri moto bahise babura.

Urubuga Spyreports ruravuga ko Kirumira yari umwe mu bantu banengaga Gen Kale Kayihura akiri umukuru w’igipolisi, ndetse avugwaho kuba yari umwe mu batangabuhamya biteguye kumushinja mu rukiko rwa gisirikare aho akurikiranweho ibyaha bitandukanye.

Kirumira kandi ngo yari yarise umuhungu we amazina ya Kaweesi wari umuvugizi wa polisi nawe wishwe arashwe mu mwaka ushize mu buryo busa nk’ubwo Kirumira yishwemo na n’ubu abamwishe bakaba bataramenyekana.

Ku rundi ruhande, umuvugizi wa polisi, Emilian Kayima yabwiye ikinyamakuru Chimpreports ko abapolisi bageze ahabereye ubwicanyi bakaza gutangaza vuba ubu bwicanyi.

Iki kinyamakuru gikomeza kivuga ko Kirumira yari akiri muzima ubwo yavanwaga mu modoka ye n’wo mugore bakajyanwa ku Bitaro bya Lubaga, aho nyuma batangarijwe ko bapfuye. Uyu ngo akaba yari anasanzwe avuga ko aterwa ubwoba.

Muri Mutarama 2018 nibwo ASP Muhammad Kirumira yasezeye mu gipolisi nyuma yo kumurega kutagira disipuline. Yashyikirijwe urukiko rwa polisi ndetse yamburwa amapeti.

 

 

 

Izindi wakunda

Bwiza.com