bwiza.com
Ahabanza » Naratunguwe cyane, ntabwo natekerezaga ko C. Ronaldo yava muri Real Madrid- Lionel Messi
Imikino

Naratunguwe cyane, ntabwo natekerezaga ko C. Ronaldo yava muri Real Madrid- Lionel Messi

Icyamamare muri ruhago, Lionel Messi ukinira ikipe ya FC Barcelona avuga ko ubwo yumvaga inkuru y’uko mukeba we, Cristiano Ronaldo yavuye muri Real Madrid akerekeza muri Juventus, yatunguwe cyane.

Ubwo yaganiraga na radiyo y’i Catalunya, yabajijwe uko yakiriye igurishwa rya mukeba we, Messi yasubije avuga ko Real Madrid yari ikipe nziza, ndetse ko kuba Ronaldo ayivuyemo, bizayisigira icyuho.

Yagize ati “ Naratunguwe cyane cyane, ntabwo batekerezaga ko yashobora kuva muri Real Madrid akajya muri Juventus, kuko hari amakipe menshi yari amukeneye”.

Ashimangira ko igenda rya Ronaldo rizasiga icyuho muri Real Madrid, ati “Gusa Juventus ni ikipe nziza, kuba ubu ifite Ronaldo bizayorohera kugera muri Champions League, ikigaragara cyo ni uko igenda rye rizaca intege Real”.

Ku bwa Messi avuga ko abakinnyi benshi baba bifuza kugana muri Barcelona cyangwa Real Madrid, ariko ko urwego ariho ntaho rutaniye n’urw’ayandi. Ati “Mbere buri we yifuzaga gukina muri Barca cyangwa R.Madrid, nk’amakipe akomeye, ubu yose ni nkaho ari ku rwego rumwe, nta tandukaniro rihari cyane hagati y’amakipe nka Manchester, PSG, Madrid, twe, Bayern (Munich) ndetse n’andi makipe yo mu Butaliyani.

C.Ronaldo w’imyaka 33 y’amavuko yavuye muri Real Madrid ajya muri Juventus muri Nyakanga 2018 aguzwe akayabo ka miliyoni 88 z’amapawundi.

 

Izindi wakunda

Bwiza.com