bwiza.com/Amakuru acukumbuye
Ahabanza » Abakinnyi ba filimi 10 ba mbere muri Bollywood bakurura igitsinagore kurusha abandi
Amakuru IBYEGERANYO Imyidagaduro

Abakinnyi ba filimi 10 ba mbere muri Bollywood bakurura igitsinagore kurusha abandi

Mu gihugu cy’u Buhinde hari bamwe mu bakinnyi ba filimi bagize uruhare mu kuzamura uruganda rwa cinema rwaho bidatewe no gukora cyane kwabo gusa ahubwo hiyongeraho n’uburanga bwabo bukurura abagore batari bakeya bikaba byarabafashije kwamamara ku Isi yose. Ni muri urwo rwego Bwiza.com yabahitiyemo abakinnyi 10 bo muri Bollywood bakurura igitsinagore cyane kurusha abandi.

01.Siddaharth Malhotra

Uyu musore wavutse kuwa 16 Mutarama 1965, Siddharth Malhotra, niwe uza ku mwanya wa mbere mu buranga ndetse hakiyongeraho imyitwarire ishimisha benshi. Mbere yo kwinjira mu ruganda rwa cinema mu Buhinde ruzwi nka Bollywood, yari umunyamideri kandi witwara neza. Yatangiye gukina filimi yiswe Student of the year. Kuva ubwo, yagaragaye mu zindi filimi nyinshi zakunzwe zirimo ‘Hasee Toh Phasee‘, ‘Kapoor & Sons, Brothers‘ n’izindi. Yatsindiye ibihembo bitandukanye kandi nka Entertainer of the year, na Best Male Debut Actor.

  1. Ranveer Singh

Ranveer Singh akunzwe cyane n’abakobwa kubera imiterere y’umubiri we nk’uko Wonderslist dukesha uru rutonde ikomeza ivuga. Hiyongeraho isura nziza ndetse n’ubuhanga mu gukina ku buryo buri muyobozi wa filimi (Director) yifuza gukorana nawe. Ngo azi kwigana uwo ashaka gukina ari we ku buryo ugira ngo nibyo.

  1. Salman Khan

Uyu mikinnyi wa filimi arazwi cyane ku Isi yose ndetse no mu Rwanda abakurikirana filimi z’ibihinde baramuzi. Yinjiye muri Bollywood akina muri filimi yiswe ‘Maine Pyar Kiya‘, ahita akundwa cyane bimufungurira imiryango y’ahazaza muri uru ruganda. Uyu mukinnyi uzwiho umubiri uteye neza yakomeje kwitwara neza muri filimi yakomeje gukina aba ari nako akomeza kwigarurira imitima y’abatari bacye biganjemo igitsinagore nko muri ‘Hum Apke hain Kaun‘, ‘Hum Saath Saath Hain‘, Wanted‘ n’izindi zirimo ‘Tiger zinda Hai’ iri muzo aheruka gukina.

  1. Akshay Kumar

Uyu nawe arazwi cyane, mu Rwanda bamwitaga Mr Bond kubera filimi yitwa gutya yagaragayemo mu za mbere. Banamwita Jackie Chan wa Bollywood. Ni umwe mu bakinnyi bakeya ba filimi mu Buhinde bagaragara muri filimi zigakundwa cyane buri mwaka, aho ngo filimi iyo ari yo yose akinnyemo abamukurkira bayirebera ko arimo gusa nubwo yaba idashamaje cyane. Imiteree ye, uburanga ni bimwe mu bimushyira ku rutonde rw’abakinnyi ba cinema bakurura abagore cyane.

  1. Saif al Khan

Uyu nawe ni umwe mu bakinnyi ba filimi bakurura igitsinagore muri Bollywood. Amaze igihe kirekire muri uru ruganda kandi uko bukeye n’uko bwije ubuhanga bwe mu gukina bugenda buzamuka. Afite uburanga kandi azwiho kwambara neza. Yakinnye muri filimi nyinshi zirimo ‘Tu Chor Main Sipahi‘, ‘Main Khiladi Tu Anari‘, ‘Cocktail‘ n’izindi nyinshi.

  1. Shah Rukh Khan

Yavutse kuwa 02 Ugushyingo 1965, akaba nawe amaze igihe muri Bollywood. Yatangiye ibijyanye na filimi akinira kuri televiziyo nyuma abasha gucengera muri Bollywood none kuri ubu yitwa Umwami wa Bollywood. Yagaragaye muri filimi zisaga 80 ndetse atsindira ibihembo bitandukanye. Umubiri we, imyitwarire  n’uburanga ngo ni bimwe mu bituma akurura igitsinagore cyane.

  1. Aditya Roy Kapoor

Uyu yatangiye gukurura igitsinagore akigaragara muri filimi ya mbere yiswe Aashiqui-2 aho akinana n’icyizubazuba Shraddha Kapoor, umukobwa wa Shakti Kapoor nawe wamamaye muri Bollywood. Iyi filimi ngo yarakunzwe cyane, maze igihagararo, n’amaso meza bituma benshi bamukunda. Ikiyongera kuri ibyo kandi ngo ni umukinnyi mwiza.

  1. Arjun Kapoor

Uyu yavukiye mu muryango wari usanzwe uzwi muri filimi mu Buhinde. Nyina ni Mona Shourie Kapoor mu gihe se ari Producer w’amafilimi witwa Boney Kapoor. Sekuru, Surinder Kapoor, nawe yatunganyaga filimi, mu gihe nyirarume, Anil Kapoor na mubyara we Sonam Kapoor nabo bakina filimi. Ngo si igitangaza rero ko Arjun nawe yinjiye muri cinema kandi ngo ni umuhanga, afite uburanga ku buryo akurura abatari bacye. Yakinnye muri filimi zirimo ‘Gunday‘, ‘Ki & Ka‘ na ‘2 States‘.

  1. John Abraham

Uyu azwi nka Hunk wa Bollywood. Ni umwe mu bakinnyi bubashywe kandi w’uburanga, ibigango n’amaso meza bituma akurura igitsinagore cyane. Yagaragaye muri filimi nyinshi zakunzwe zirimo ‘Dhoom‘, ‘Dostana‘ na ‘Houseful-2‘. Nubwo ngo atarimo kugaragara cyane muri filimi muri iki gihe, ntibibuza ko ari umwe mu bakinnyi ba filimi bakurura igitsinagore cyane mu Buhinde.

  1. Hrithik Roshan

Yavutse kuwa 10 Mutarama 1974, akaba umwe byamamare byo muri Bollywood. Kuva yagaragara bwa mbere muri filimi yiswe ‘Kaho Naa Pyaar Hai‘ yakunzwe n’abatari bakeya n’inaha mu Rwanda, yigaruriye imitima y’abamukurikira kubera uburanga bwe n’imiterere y’umubiri we. Uyu ngo si umukinnyi wa filimi mwiza gusa kuko ari ni umwe mu babyinnyi beza muri Bollywood bituma arushaho kwamamara by’umwihariko mu bakiri bato. Hrithik kandi yatsindiye ibihembo byinshi bitandukanye birimo icya BIG Star Entertainment, icya Golden Minbar International Film Festival, Stardust n’ibindi.

 

Izindi wakunda

Bwiza.com