bwiza.com
Amakuru Politiki

Bujumbura: Amazi y’Ikiyaga cya Tanganyika yatangiye kugarura ibara ryayo yari yataye

Guhera kuri uyu wa kabiri, itariki 11 Nzeri, amazi y’Ikiyaga cya Tanganyika mu Burundi yari yahinduye ibara agasa nk’icyatsi kibisi muri iyi weekend ishize yongeye kugarura ibara ry’ayo ku nkengero zimwe na zimwe mu gihe abaturage ba Bujumbura bari batangiye guhangayika ndetse bamwe mu bizera ijambo ry’Imana batangira kuvuga ko ari ikimenyetso cy’imperuka.

Amazi y’ikiyaga cya Tanganyika yari yahinduye ibara ku nkengero zacyo mu Mujyi wa Bujumbura mu gihugu cy’u Burundi, aho abaturage bakoresha aya mazi bafite impungenge nyinshi kuko ngo ari ubwa mbere babonye ayo mazi asa nk’icyatsi kibisi.

Uko ubusanzwe amazi ya Tanganyika aba asa

Umuhanga mu bijyanye n’imiterere y’Ikiyaga cya Tanganyika, Gaspard Ntakimazi, akaba ari umwarimu muri Kaminuza y’u Burundi wigisha ibijyanye n’ubumenyi (science),  we yemeje ko ibyabaye atari ubwa mbere byari bibaye. Akomeza avuga ko usibye amafi ashobora gupfa, ayo mazi ntacyo yakwangiza kuko iryo hinduka ry’ibara ry’amazi ritageze aho amazi atangwa na REGIDESO ava.

Yakomeje avuga ko ari ibintu bikunze kuba iyo igihe cy’impeshyi kiri kurangira kandi akaba ari inkuru nziza ku Burundi. Uyu akaba yaravugaga ko bishobora Ngo kumara ibyumweru cyangwa ukwezi. Kuri we, ngo ibi byabaye mu myaka ya za 40 na 46 mu Kiyaga cya Tanganyika.

Abaturage bari batangiye kugira impungenge kubera uko amazi ya Tanganyika yasaga

Amakuru amwe agera ku rubuga Ikiriho rwo mu Burundi aravuga ko ibi byanagaragaye mu mazi ya Tanganyika ku ruhande rwa Uvira muri Repubulika iharanira Demokarasi ya Congo. Amato ya gisirikare akaba yaragaragaye azenguruka areba aho amazi yaba yaratangiye gufatira irindi bara.

Abaturage bo mu Mujyi wa Bujumbura bavugaga ko kuri ubu bari gusanga isayo mu mazi kubera isuri yaturutse mu migezi yiroha muri Tanganyika nka Ntahangwa, Rusizi, Gikoma, Gasenyi n’indi. Abagiye kure mu myizerere bo bakaba bari batangiye kuvuga ko ari ikimenyetso cy’impera y’Isi.

 

 

Izindi wakunda

Bwiza.com
error: Alert: Ntabwo byemewe!!