bwiza.com
Ahabanza » Maneja Braun yahishuye ko Justin Bieber  yashoboraga gupfa bitunguranye mu myaka mike ishize
Imyidagaduro

Maneja Braun yahishuye ko Justin Bieber  yashoboraga gupfa bitunguranye mu myaka mike ishize

Maneja wa Justin Bieber, Scooter Braun yatunguranye ubwo yavugaga ko Justin Bieber yashoboraga gupfa isaha iyo ari yo yose bitewe n’ibintu yaryaga mu myaka mike ishize.

Ibi yabitangarije mu kiganiro cyitwa ‘Red Pill Podcast’ nk’uko Hollywoodlife ibitangaza.

Braun muri iki kiganiro avuga ko yagize impungenge z’uko uyu muhanzi mu myaka mike ishize yashoboraga kuryama agahita apfa kuko ngo ubuzima bwe butari bwifashe neza.

“ Yagize ati” Hari igihe ahanini najyaga kuryama, mbese buri joro kandi afite amafaranga ashobora gutuma agenda akajya kure yanjye, numvaga ndibumubure. Akenshi namubwiraga ko adakwiye kugira icyo akora, agasakuza agatangira kunkabukira”

Braun atangaza ko ibi yabikoraga mu rwego rwo gusigasira ubuzima bwa Justin Bieber bwari bugeze aharindimuka.

Justin Bieber na Maneja we, Scooter Braun

Ati”  Yumvaga yakomeza umuziki, agakora ibitaramo bizenguruka ahantu hose gusa njye nabaga nziko ashobora gupfa. Sinashakaga ko akora, nagiraga ngo agire ubuzima bwiza. Numvaga ko azarayama umunsi umwe ntakanguke. Akenshi yuriraga indege nanjye nkagenda mukurikiye kugira ngo nkurikirane ibye neza”

Uyu mugabo kandi yahakanye ko ari we ukwiye kwambikwa ikamba ryo kuba yarahinduye ubuzima bwa Justin Bieber kuko ngo Bieber ubwe ari we wifatiye icyemezo cyo guhinduka.

Muri iyi minsi Justin Bieber agaragara mu ruhame kenshi ari kumwe n’umukobwa bakundana kuva muri Gicurasi, Hailey Baldwin. Aba akenshi bagaragara ku rusengero cyanwa bagiye gusura abapasiteri.

 

Izindi wakunda

Bwiza.com