bwiza.com/Amakuru acukumbuye
Ahabanza » Urutonde rw’inyubako 10 nziza muri Afurika- AMAFOTO
IBYEGERANYO Utuntu n'utundi

Urutonde rw’inyubako 10 nziza muri Afurika- AMAFOTO

Uko iterambere rikomeza kwihuta mu bihugu bimwe na bimwe byo muri Afurika ni nako ibikorwaremezo nabyo byiyongera bityo hakaba hari inyubako ziza ku isonga mu bwiza ku mugabane wa Afurika.

1. Inyubako ya 15 Alice Lane Towers (Johannesburg)

Ni inyubako ibarizwa muri Afurika y’Epfo, mu gace ka Sandton i Johannesburg, iyi nyubako, iyi nyubako ngo ikaba ari nk’ikimenyetso cy’iki gihugu mu rugendo rw’imyubakire ijyanye n’icyerekezo.

2.Nabemba Tower (Congo-Brazaville)

Iyi nyubako ya Nabemba izwi no ku izina rya Elf Tower, ifite uburebure bwa metero 106 z’ubuhagarike, ikaba igizwe na etaji 30.

3.Ponte City

Ni inyubako iri mu gace ka Berea, mu ntara ya Gautenga, muri Afurika y’Epfo. Iyi nyubako yubatswe mu wa 1975 ikaba ifite metero 173 z’ubuhagarike, igizwe na etaji 55 zigerekeranyije.

4.Congress Center (Benin)

Iyi nyubako yo muri Benin ntabwo ari ndende mu buhagarike, ahubwo uburyo yubatsemo nibwo butangarirwa na benshi,  yubatse ku buso bwa 10,053 m2  ikaba ifite sale y’inama ishobora kwakira 1200. N’ibindi byumba by’inama bitandukanye.

5.The Memorial to the Martyrs

Ni inyubako iri muri Burkina Faso,  mu mujyi wa Ouagadougou ari nawo murwa mukuru w’iki gihugu, ikaba ari inzu y’urwibutso rw’intwari z’igihugu, iyi nzu si ndende ahubwo uburyo yubatsemo nibwo butuma ishyirwa mu nyubako nziza kuri uyu mugabane.

6.National Arts Theatre

 Ni inyubako iri muri Nigeria, ikaba yarubatswe ku buyobozi bwa Perezida Olusegun Aremu Obasanjo wari n’umusirikare ukomeye, wayoboye iki gihugu kuva mu 1999-2007,  Icyumba cy’inama kinini muri iyi nzu gifite ubushobozi bwo kwakira abantu ibihumbi bitanu.

7.PSPF Commercial Towers

Ni inyubako iri mu mujyi rwagati i Dar es Salaam umujyi munini ndetse unakomeye muri Tanzania, iyi nyubako ituwemo ikagira n’umwanya wahariwe ubucuruzi.

8.Inyubako ‘1201 Ocean View’

Iyi nyubako iri mu mujyi wa Cape Town muri Afurika y’Epfo, yubatswe mu 1968 ku buso bwa 175 Ha.

9.AU Conference Center 

Ni inyubako iri i Addis Ababa muri Ethiopia, muri nyubako hakaba ariho habarizwa icyicaro gikuru cy’Umuryango wa Afurika Yunze ubumwe (AU), yubakwa n’Abashinwa, yuzuye itwaye akayabo ka miliyoni 200 z’amadorali ya Amerika.

10. Kigali Convention Center:

Ni inyubako yatashywe mu 2016 mu mujyi wa Kigali, ikaba inyubako yakira inama zikomeye, ndetse inafite ibyumba byihariye bicumbikira abakuru b’ibihugu n’abandi bayobozi bakomeye.

Yuzuye itwaye akayabo ka miliyoni 300 z’amadolari, hafi miliyari 223 Frw, iri ku rwego rwa hoteli z’inyenyeri eshanu,  ifite ibyumba 292 n’icyumba mberabyombi cyakira abantu basaga 2500.

Izindi wakunda

Bwiza.com