bwiza.com
Ahabanza » Angola: Umubyigano ukabije ku mukino wa TP Mazembe na 1° de Agosto wahitanye abantu
Amakuru Imikino

Angola: Umubyigano ukabije ku mukino wa TP Mazembe na 1° de Agosto wahitanye abantu

Umubyigano ukabije waguyemo abantu batanu nyuma y’umukino w’igikombe cya Afurika cy’amakipe yitwaye neza hagati y’ikipe ya 1° de Agosto yo muri Angola n’ikipe ya Tout Puissant Mazembe yo muri Repubulika iharanira Demokarasi ya Congo. Ni umukino wabaye kuwa Gatandatu ushize, itariki 15 Nzeri ubera I Luanda.

Nyuma y’iminsi 2 umukino ubaye haracyibazwa intandaro y’uyu mubyigano watwaye ubuzima bw’abakunzi ba ruhago muri Angola, aho stade yitiriwe uwa 11 Ugushyingo, yubakiwe kwakira imikino y’Igikombe cya Afurika cy’Ibihugu (CAN) mu 2010, ngo yari yakubise yuzuye abafana bagera ku 50,000.

Nyuma y’uyu mukino warangiye ari 0-0 nibwo habaye umubyigano udasanzwe waje kurangira abantu batanu bahasize ubuzima nk’uko iyi nkuru dukesha RFI ikomeza ivuga.

Ikipe ya 1° de Agosto yahise itanga ubutumwa bwo kwihanganisha ibintu bikiba, hataramenyekana n’abantu bapfuye ndetse yunganirwa n’Ishyirahamwe ry’Umupira w’Amaguru muri Angola naryo ritatanze amakuru ya nyayo.

Kuri iki Cyumweru, itariki 16 Nzeri, minisitiri w’urubyiruko na siporo muri Angola, niwe wemeje ko hapfuye abantu batanu, barimo abana babiri ubwo kuri umwe mu miryango ya stade hadukaga umubyigano ukabije mu gihe cyo gusohoka. Hagati aho ariko ngo hanatangiye iperereza ngo hamenyekane impamvu ya nyayo yateye uwo mubyigano.

 

Izindi wakunda

Bwiza.com