bwiza.com
Amakuru Politiki

Bamwe mu baperezida ba Afurika bavugwaho gukoresha abana babo mu gusahura

Byamaze kumenyerwa ko iyo umuntu abaye perezida muri Afurika harimo abashishikazwa no kwikwizaho imitungo yakogombye gufasha iterambere ry’ igihugu akawukwirakwiza ku bamukomikaho, abafitanye isano nawe , inshuti ze zo hafi ariko abana be n’ umugore we bakaba akarusho.

Mu myaka myinshi itambutse ibyo bikorwa byo gusahura umutungo w’ abenegihugu byagiye bihira abana b’ abaperezida kuko ba se bahoraga bashikamiye ingoma banafite ubudahangarwa.

Gusa kuri ubu bisagaye bigoranye kuko iyo habaye impinduramatwara ubutabera bukoresha ububasha bwabo ubundi bugakurikiranira hafi aba bana ba baperezida baranzwe no gusahura imitungo y’ ibihugu.

Amateka ya politiki ya Afurika yerekana ko abaperezida hafi ya bose bashyira inyungu zabo imbere aho usanga imitungo yabo myinshi yibereye hanze, bamwe bafite amato mu Nyanja ndetse n’ indege zikora ubucuruzi hirya no hino aho ibyo byose biba byanditse ku mazina y’ abandi bantu .

Uru ni rumwe murutonde rw’abavugwa

Karim Wade

1.   Karim Wade: w’ imyaka 50 y’ amavuko ni umwana wa Abdoulaye Wade wahoze ayoboye Senegal, Karim yabaye Minisitiri ufite mu nshingano ze ububanyi n’ amahanga, Ingendo zo mu kirere ndetse n’ ibikorwa remezo kugeza muri 2009.

Umwaka umwe gusa akiva muri izo minisiteri ubwo yiteguraga kwiyamamariza umwanya wa Perezida wa Repubulika, yahise atangira gukurikiranywa n’ ubutabera bumushinja ruswa no kunyereza umutungo wa Leta ungana na Miliyoni 228 y’ amadorari y’ amanyamerika.

Kuwa 17 Mata 2013, Karim Wade yakatiwe igifungo cy’ imyaka 6 ariko nyuma yaho Karim ajuriye mu Rukiko Rwisumbuye kuwa 20 Kanama 2015, yaje kurekurwa kuwa 24 Kamena 206 na Perezida Macky Sall avuga ko urubanza rwe rwari urwa politiki

Teodoro Nguema Obiang
  1. Teodoro Nguema Obiang: Uyu mwana wa Perezida wa Guinnee Equatoriale, Teodoro Obiang Nguema Mbasogo yabaye Minisitiri w’ Ubuhinzi ,ibidukikije n’ amashyamba .

Iperereza rigizwe n’ impapuro nyinshi cyane ryakozwe n’ Ikigo nyamerika ry’ Abinjira n’ abasohoka (ICE) muri 2009 ryagaragaje uburyo Teodorin ukora nka Visi Perezida wa Guinnee Equatoriale yacungaga Minisiteri yari ashinzwe nk’ umutungo we bwite.

Ubwo umuhungu wa Obiam N’guema yayoboraga iyi Minisiteri y’ amashyamba yabaye umucuruzi wa mbere w’ imbaho mu bihugu bitandukanye ku mugabane wa Amerika, nk’ uko iri perereza rya ICE ribigaragaza.

Uyu mugabo uzwiho gukunda ubuzima buhenze (kwambara imyenda ihenze cyane, kugenda mu modoka zzidasanzwe, gukoresha iminsi mikuru y’ ahato n’ ahato n’ ibindi) no gusesagura umutungo aherutse kuvugwaho gutanga ruswa ya miliyoni 100 y’ amadorari y’ amanyamerika mu rwego rwo gucika ubutabera mpuzamahanga bwamushakishaga.

Teodorin w’ imyaka 49 y’ amavuko amaze gufatwa kenshi mu ngendo agenda agirira hirya no hino ku Isi ndetse aherutse no gukatirwa n’ Urukiko rw’ u Bufaransa ashinjwa kubaka umutamenwa ugizwe n’ ibyumba 101 mu gace ka Foch i Paris.

Jose Filomeno dos Santos
  1. Jose Filomeno dos Santos: Ni umwana wa Jose Eduardo dos Santos wahoze ari Perezida wa Angola imyaka 38.

Filomeno aherutse gutabwa muri yombi nyuma y’ ibirego bikomeye bikubiyemo gutanga ruswa , gukora magendu no kunyereza umutungo wa Angola akuwujyana mu Busuwisi afatanyije Jean-Claude Bastos nawe ufungiye mu Busuwisi.

Ibi bibaye mu gihe Perezida mushya wa Angola Joao Lourenco yatangije ku mugaragaro gahunda yo kurwanya ruswa no guhana abagiye bagaragaraho ibyaha biyishamikiyeho bahereye ku bantu bari bakomeye ku ngoma ya Edouard Dos SANTOS baturuka mu ishyaka rimwe rya MPLA.

Mu gihe abunganira mu by’ amategeko Filomeno na mugenzi we Bastos bataragira icyo batangaza , Umushinjacyaha Mukuru wa Repubulika muri Angola aherutse gutangaza ko aba bombi baryozwa kwiba amafaranga ari hagati ya miliyoni 5 na miliyoni 3, 5 y’ amadorari y’ amanyamerika.

Tutiriwe tuvuga amazina y’ abandi bayobozi bakoresha abana babo mu kunyereza imari y’ igihugu, ikimaze kugaragara kandi ni uko abaperezida ba Afurika bahuriyeho ni uko aba ban aba baperezida bahabwa imbaraga ndetse banakingirwa ikibaba na ba se kugira ngo bazabasimbure bamaze kumenya tekinika yo kwikubira imitungo y’ igihugu.

Bitewe no kuba batizera igihe ingoma za ba se zizamara aba bana ba

baperezida b’ ibihugu byo muri Afurika bahorana intego ebyiri, iya mbere ni ugusimbura ba se ku butegetsi mu gihe ari ngombwa no kwiga ubucuruzi buhanitse ku buryo bajya guhisha amafaranga yabo mu mahanga.

Amafaranga amwe bayabika mu bwubatsi bw’ amazu ahenze mu mijyi ikomeye mu bihugu by’ amahanga ayandi bakagura imigabane mu ma sosiyete y’ ubucuruzi akomeye mu rwego mpuzamahanga.

Related posts

U Bufaransa bwohereje mu rukiko mpuzamahanga undi wahoze akuriye Anti-Balaka

Nsengiyumva Denis

Rusizi: Yafatanywe ibiro 70 by’urumogi yageragezaga kwinjiza mu karere

Nsengiyumva Denis

OMS iratangaza ko habonetse urukingo rwa Ebola

Mecky Kayiranga

Leave a Comment