bwiza.com
Ahabanza » Abayobozi ba Rayon Sports bamfashe nk’imbwa yabo – Ivan Minaert
Imikino

Abayobozi ba Rayon Sports bamfashe nk’imbwa yabo – Ivan Minaert

Uwahoze ari umutoza mukuru w’ikipe ya Rayon Sports,  Ivan Jacky Minnaert akaza gusezererwa kuri iyi mirimo yatangaje ko abayobozi b’iyi kipe bageze aho bamufata nk’imbwa yabo cyangwa utagira iyo akomoka bikamubabaza cyane.

Ibi yabitangaje kuri iki Cyumweru tariki 30 Nzeri 2018, ubwo yari yerekeje mu gihugu cya Libya aho yahoze atoza, akaba yerekeje mu ikipe yitwa  Al-Ittihad Tripoli.

Nkuko Eachamps yabitangaje , mbere yoguhaguruka ku kibuga cy’indege i Kanombe yagize ati”Nabaye muri Rayon Sports mpishimiye nakora uko nshoboye ngo ikomeze kuba ikipe itinyitse mu gihugu ariko mbabazwa n’uko hari aho byageze abayobozi muri komite ya Rayon Sports bakamfata nk’imbwa yabo cyangwa umuntu utagira aho akomoka.”

Yongeyeho ko kandi ikibazo cy’amafaranga ikipe imufitiye yizeye ko kizatungana kandi kigaca mu mucyo akishyurwa.

Yagize ati”nizeye ko Rayon Sports izanyishyura amafaranga meza, nabonye akazi keza aho nzaba n’ubashywe kandi n’amasezerano nahawe ni meza. Ni mu ikipe ya Al Ittihad aho nahoze nkora, bansabye ko nagaruka nkaba umuyobozi wa tekinike mu byiciro byose by’abato nkatoza n’ikipe ya kabiri…. Dosiye yanjye na Rayon Sports nyisize mu ntoki za Me. Mulindahabi Olivier, ni we wenyine wabasha kurangiza iki kibazo kandi ni nawe wenyine wagira amakuru agitangazaho.””

Tariki ya 11 Kamena 2018 ni bwo uyu mutoza yahagaritswe by’agateganyo muri iyi kipe kubera umusaruro utari mwiza, nyuma yaje kugarurwa agirwa umuyobozi wa tekiniki bidateye kabiri ahita yirukanwa burundu. Ivan Minnaert yavugaga ko kuba yirukanywe nta kibazo kirimo ariko na none ko Rayon Sports igomba gukurikiza amasezerano bafitanye ikazamwishyura amafaranga ye.

Uyu mutoza yaje muri Rayon Sports  muri Werurwe 2018 aho yari asimbuye Olivier Karekezi wari umaze gutandukana n’iyi kipe.

Aha yasinyaga amasezerano y’akazi none asize amafaranga atarahembwa
Ivan Jacky ariguha amabwiriza Mbondi
Nta kiri umutoza wa Rayon Sports ubu yerekeje muri Libya

Izindi wakunda

Bwiza.com