bwiza.com
Ahabanza » Umukobwa arashinja Cristiano Ronaldo kumufata ku ngufu
Imikino

Umukobwa arashinja Cristiano Ronaldo kumufata ku ngufu

Umukobwa witwa Kathryn Mayorga avuga ko icyamamare muri ruhago, Cristiano Ronaldo cyamufashe ku ngufu bari muri Hoteli y’i Las Vegas mu mwaka wa 2009.

Kathryn Mayorga avuga ko uyu munyapolitigali ukinira ikipe ya Juventus yamuhaye amafaranga angana na $375,000, kugira ngo azakomere ku ibanga.

Abunganira uyu mukobwa mu by’amategeko, bavuga ko Ronaldo bamenyaniye Las Vegas bari mu kabyiniro kazwi nka “Rain nightclub”.

Mu mwaka wa 2017, ubwo ikinyamakuru Der Spiegel cyatangazaga iyi nkuru bwa mbere, abanyamategeko ba Ronaldo bahise bayihakana bivuye inyuma, bemeza ko ari ibihuha.

Umunyamategeko  Christian Schertz wunganira Ronaldo avuga ko ikinyamakuru cyatangaje iyi nkuru cyatandukiriye amahame y’itangazamakuru kigaharabika umukiriya we kinjira mu buzima bwe bwite.

Yagize ati “ Cyavogereye uburenganzira bwe bwite umukiriya wacu Cristiano Ronaldo mu nzira ikomeye y’umwihariko,…”.

Ku wa Gatanu w’icyumweru gishize nibwo Ronaldo yacishije ubutumwa ku rukuta rwe rwa Instagram agira ati “ibyo uyu munsi batangaje, ni ibihuha,…amakuru y’ibihuha, bifuza kumenyekana bifashishije izina ryanjye, ni ibisanzwe, bifuza kwamamara bavuga izina ryanjye, yego, ni mu rwego rw’akazi, njye ndi umugabo wishimye kandi byose, byose ni byiza”.

Nk’uko ikinyamakuru CNN kibitangaza, ngo Ku wa 13 Kamena 2009, nibwo Ronaldo yabonanye na Kathryn Mayorga mu kabyiniro ‘Rain nightclub’ kari muri hoteli ‘Palms Hotel and Casino, akaba ariho Ronaldo ngo yasabiye uyu mukobwa gusomana ku munwa arabyanga, ngo nyuma amukururira mu cyumba amusambanya ku ngufu atabishaka avuga, Oya, Oya Oya. Ronaldo arabihakana byose.

 

Izindi wakunda

Bwiza.com