bwiza.com
Ahabanza » U Bufaransa: Intambara y’ igitangazamakuru n’ ubutabera k’ ubwicanyi bwo mu Bisesero
Amakuru Amateka

U Bufaransa: Intambara y’ igitangazamakuru n’ ubutabera k’ ubwicanyi bwo mu Bisesero

Jean Claude Lafourcade

Abajenerari batatu b’ U Bufaransa baregwa kugira uruhare ubwicanyi bwakorewe mu Bisesero muri jenoside yakorewe Abatutsi muri Mata 1994, bareze ikinyamakuru Mediartpart kwiba inyandiko zibashinja.

Aba bajenerari Jean-Claude Lafourcade, Marin Gillier na Jacques Rosier bashinjwa kugira uruhare mu bwicanyi bwakorewe Abatutsi mu misozi ya Bisesero ku itariki 27 na 30 Kamena 1994 aho ingabo z’ U Bufaransa zari zishinzwe kurinda.

Kuva mu mwaka w’ I 2005, mu Bufaransa hatangijwe iperereza rigamije kumenya niba koko ingabo zabo zagize uruhare mu bwicanyi bwabereye mu Bisesero bwahiyanye inzirakarengane zisaga ibihumbi 50.

Kuwa 25 Nzeri 2018, igitangazamakuru Mediapart gikorera kuri internet cyahishuye ko abacamanza bitwaje ububasha bafite nta murimo ukozwe , ntawe bagishije inama banzuye ko nta ruhare ingabo z’ u Bufaransa zagize muri jenoside yakorewe Abatutsi mu Rwanda.

Aho niho Mediartpart yahereye ivuga ko nta perereza ryakozwe ishaka gusobanura ko nta gaciro ubutabera bwahaye iyo dosiye ingabo zayo ziregwa kugira uruhare muri jenoside yabereye mu Rwanda.

Ku ruhande rw’ abaregwa, umwunganizi wa Gen.Marin Gillier,Me. Christophe Barthelemy yavuze ko iki kinyamakuru cyatangaje ingingo ziri muri dosiye kititaye ku maperereza yaba yarakozwe.

Ati “ Ntabwo byumvikana kuko itangazamakuru ryihutira kuvuga ibintu ritazi neza na none nabasaga gutuza kuko urubanza ruracyakomeje haracyari kare gufata imyanzuro”.

Umunyamakuru wanditse iyi nkuru , Fabrice Arfi nawe yahise atangaza ko nta muntu yatunze agatoki ngo kuko yakoze akazi ke nk’ uko biteganyije, nk’ uko tubikesha RFI.

Ati” Nsanze tutazira uburyo twanditse inkuru y’ ukuri ahubwo turazira uburyo twabikoze neza , nk’ uko twakusanyije amakuru yagiye aturuka mu iperereza ryakozwe n’ ubutabera k’ ubwicanyi bwabereye mu Bisesero”.

Umunyamakuru Arfi, wagize uruhare mu nkuru zikomeye za Bettencourt, Karachi, Kadhafi na Cahuzac avuga ko atitaye ku byo aregwa bijyanye no gutanga amakuru kuri dosiye zikiri mu nkiko ngo abikora ku nyungu rusange ndetse afite n’ ibimenyetso zimusiga.

Jean Claude Lafourcade

 

Izindi wakunda

Bwiza.com