bwiza.com
Ahabanza » Kenya: Umuhanzi Bahati mu munyenga w’urukundo n’ibyishimo hamwe n’umuryango we- AMAFOTO
Imyidagaduro

Kenya: Umuhanzi Bahati mu munyenga w’urukundo n’ibyishimo hamwe n’umuryango we- AMAFOTO

Umuhanzi w’indirimbo zo kuramya no guhimbaza Imana, Bahati, umugore we, Diana Marua ndetse n’umwana wabo, Heaven, bagaragaye bari ku mwaro, mu munyenga w’urukundo n’ibyishimo.

Abicishije ku rukuta rwe rwa Instagram, Bahati yatangaje ko cyari cyo gihe cyo kujya mu karuhuko, ko kuva yava muri kwezi kwa buki ndetse n’umwana we yavuka, yari atari yajya kuruhuka.

Yagize ati “nari maze iminsi nkora cyane, cyari igihe cyo gukuraho telefoni umukobwa wanjye nkamwitaho, …”.

Umugore we, Diana Marua nawe yagize ati “…,Narenzwe n’ibyishimo kubera mwe babiri, Heaven Bahati na @bahatikenya(umugabo we), aha hantu ni ah’igitangaza, murakoze”.

Nubwo uyu muryango wari mu byishimo aho wari wasohokeye, bamwe mu bafana babo barabanenga kuba batari kumwe n’abandi bana barere, uwitwa na Morgan na Mueni.

Kioko Kevin wamamaye cyane nka ‘Bahati’ yasezeranye na Diane Marua mu Ukwakira 2017, uyu mukobwa akaba yari asanzwe ari nshuti ye ndetse banasengana, bafitanye umwana umwe, Bahati Heaven.

Izindi wakunda

Bwiza.com