bwiza.com
Amakuru IBYEGERANYO

Urutonde rw’imijyi 10 yo muri Afurika iza mu ihenze ku Isi- AMAFOTO

Imwe mu mijyi yo mu bihugu bya Afurika iza ku isonga mu ihenze ku Isi, iyi mijyi si uko yose ari iy’ibihugu bikomeye kuri uyu mugabane ahubwo ni uburyo ubuzima buba buhagaze n’ibiciro by’ibiyibonekamo.

1.Lusaka/ Zambia

Lusaka ni umwe mu mijyi irimo kugenda itera imbere cyane mu bihugu biherereye mu Majyepfo ya Afurika, uyu mujyi uragendwa cyane kubera uburyo abakerarugendo badahwema kugenderera igihugu cya Zambia, ku rutonde rw’Isi rwa 2017 Lusaka iza ku mwanya wa 122. Ifunguro ryo muri uyu mujyi ririho n’icyo kunywa rihagaze 67 y’amaKwacha ahwanye n’amanyarwanda 5,148; ubukode bw’inzu buva kuri 13,171Kwacha (1,007,608 Frws) kugera kuri 5,740Kwacha (39,163 Frws) ahaciriritse.

2.Johannesburg:

Ni umujyi munini wo muri Afurika y’Epfo, ugafatwa nk’inzira y’ibanze y’ibicuruzwa byinjira muri Afurika ndetse n’ibisohoka kuko ukora ku Nyanja ukabamo n’icyambu gikomeye, uretse kuba uza mu mijyi ihenze ku Isi, uza no mu mijyi ituwemo n’abantu benshi cyane ku Isi, ku rutonde rwa 2017, Johannesburg iza ku mwanya wa 116 mu mujyi ihenze ku Isi.

3.Pretoria:

Ni umujyi uzwi ku rindi zina rya Tshwane, ubarizwa mu Ntara ya Gauteng muri Afurika y’pfo. Ku rutonde rwashyizwe hanze ba Business Travel news, rwashyizwe hanze umwaka ushize, uyu mujyi uza ku mwanya wa 123.

4.Dakar:

Ni umurwa mukuru wa Senegal. Urutonde rwa 2017, rugaragaza Dakar nk’umujyi wa 108 uhenze ku Isi, ifunguro muri uyu mujyi ahaciriritse rigura byibura amayero 1.80. Zimwe muri Resitora zo muri uyu mujyi ngo zinganya ibiciro na zimwe zo ku mugabane w’Uburayi.

5.Lagos:

Ku rwego rw’Isi iza ku mwanya wa 132, ukaba umujyi uhenze cyane muri Afurika aho ifunguro ribarirwa amafaranga atari munsi ya 3,314 Naira (akoreshwa muri Nigeria) ahwanye n’asaga ibihumbi umunani y’amanyarwanda.

6.Casablanca:

Ni umujyi wo muri Maroc, utuwe n’abaturage basaga miliyoni eshatu, ukaba umujyi ukora ku Nyanja ndetse unafite ubuso bwa 220 km². uyu mujyi uza ku mwanya wa 107 mu mijyi ihenze ku Isi ariko muri Afurika ukaza muri Itatu ya mbere ihenze.

7.Abidjan:

Ku rutonde rw’Isi, uyu mujyi wo muri Côte d’Ivoire uza ku mwanya wa 99, utuwe n’abaturage basaga miliyoni enye. Ifunguro ryo muri uyu mujyi riri kumwe n’icyo kunywa riba rihagaze asaga 8,979 by’amafaranga y’iki gihugu. Inzu ya 85 m2 ikodeshwa asaga 1,162,720 by’amafaranga yo muri iki gihugu.

8.Cairo:

Ni umujyi wo muri Misiri, uza ku mwanya wa 99 ku rutonde rw’Isi rw’imijyi ihenze. Ifunguro ririho n’icyo kunywa riba rihagaze E£ 159 angana na 7,834 y’amanyarwanda. Litiro 2 za Coca Cola, ni E£ 12 ahwanye n’amanyarwanda 615. Ubukode bw’inzu ya 85 m2 ku kwezi ni E£ 8,497 ahwanye na 418,828 Frws.

9.Algiers:

Ni umujyi wo muri Algeria, utuwe n’abaturage basaga miliyoni 7,796,923. Ifunguro muri uyu mujyi riba rihagaze 634 Dinar, ahwanye na 4,727 Frws. Ubukode ku kwezi bw’icyumba cya 85 m2, ni 93,026 Dinar ahwanye na 693,944 Frws.

10.Nairobi:

Ni umujyi wo muri Kenya, uyu mujyi uza ku mwanya wa 75 ku rutonde rw’imijyi ihenze ku Isi, uyu mujyi uza ku mwanya wa kane muri Afurika mu mijyi ihenze. Ifunguro ririho nicyo kunywa ni 539 KES ahwanye n’amanyarwanda 4,717. Ubukode bw’inzu ya 85 m2 ku kwezi ni 151,556 KES mu duce tuzwi nk’uduhenze cyane, naho mu duciriritse iba ikodeshwa 81,298 KES ahwanye na 710,974  Frws.

 

Izindi wakunda

Bwiza.com
error: Alert: Ntabwo byemewe!!