bwiza.com
Ahabanza » Umubyeyi wa Steven Kanumba yababariye Lulu ushinjwa urupfu rwe
Imyidagaduro

Umubyeyi wa Steven Kanumba yababariye Lulu ushinjwa urupfu rwe

Flora Mtegoa, ubyara icyamamare mu gukina filimi, Steven Kanumba wapfuye mu mwaka wa 2012, yateye intambwe yo guha imbabazi umukobwa witwa Elizabeth Michael, uzwi ku izina rya Lulu washinjwe kugira uruhare mu rupfu rw’umuhungu we.

Lulu wari inshuti ya Kanumba muri icyo gihe yapfiriyemo, yakatiwe n’urukiko rw’i Dar es Salaam igifungo cy’imyaka ibiri  ashinjwa kugira uruhare mu rupfu rwe. Urukiko rukaba rwaraje kubona ko uyu mukobwa ari we muntu wa nyuma bavuye mu nzu ya nyakwigendera ku wa 7 Mata 2012.

Aganira na EATV, nyina wa Kanumba yatangaje ko yababariye Lulu ndetse ko yiteguye kuzamutahira ubukwe mu gihe cyose azaba yamutumiye, ati “Murabizi ko Kanumba yari afite papa we umwe, n’Imana ikamubera umubyeyi, mu gihe Lulu we afite benshi. Mu gihe bazaba bifuje ko ntaha ubukwe bw’umukobwa wabo nzajyayo, kuri iyi si nta muntu dufitanye urubanza, Imana niyo itanga ubutabera, kuko niyo ibuha abakize ndetse n’abakene”.

Lulu ni umukobwa w’imyaka 23 y’amavuko, akaba ateganya gukorana ubukwe n’umukunzi we, Majey  uzwi ku izina rya Majizzo, wabyaranye na Hamisa Mobetto umwa w’imfura, uwa kabiri amubyarana na Diamond Platnumz.

Lulu yashinjwaga kuroga Kanumba, Ku wa 13 Ugushingo 2017, nibwo urukiko rwari rwamukatiye igifungo cy’imyaka ibiri, ku bw’imbabazi za Perezida yemererwa gufungurwa igihano cye agikomereza hanze akora imirimo nsimburagifungo.

Lulu yahawe imbabazi na nyina wa Kanumba
Lulu yari yakatiwe igifungo cy’imyaka ibiri

 

 

 

 

Izindi wakunda

Bwiza.com