bwiza.com
Ahabanza » Burundi: Abashinjwa kwica umukuru w’Imbonerakure bakamuca umutwe bakatiwe
Amakuru Politiki

Burundi: Abashinjwa kwica umukuru w’Imbonerakure bakamuca umutwe bakatiwe

Abantu batatu bashinjwa kwica umuyobozi w’Imbonerakure n’umugore we mu Ntara ya Kayanza mu Majyaruguru y’u Burundi kuri uyu wa Kabiri, itariki 09 Ukwakira bakatiwe igifungo cya burundu n’Urukiko Rukuru rw’Intara, ndetse bategekwa gutanga amande angina na miliyoni 20 z’Amarundi.

Aba bantu bashinjwa kwica Ngendakumana Daniel n’umugore we, Nikiza Elisabeth nk’uko iyi nkuru dukesha urubuga Ubmnews rwo mu Burundi ikomeza ivuga.

Uyu Ngendakumana Daniel yari umuyobozi w’urubyiruko rw’ishyaka riri ku butegetsi mu Burundi, CNDD-FDD, muri Kayanza, aza kwicwa mu kwezi gushize acibwa umutwe n’ubu ukaba utaraboneka.

Biravugwa ko abakatiwe igifungo cya Burundu ari; Nsanzimana Malachie, Birorimana Lazare na Nshimirimana Samuel, mu gihe ngo abandi bafatanyije bahise bahungira mu Rwanda.

Izindi wakunda

Bwiza.com