bwiza.com
Ahabanza » Rubavu: Kutagira mituweli bibaviramo kwimwa zimwe muri serivisi z’inzego z’ibanze
Amakuru Politiki

Rubavu: Kutagira mituweli bibaviramo kwimwa zimwe muri serivisi z’inzego z’ibanze

Bamwe mu baturage mu karere ka Rubavu baravuga ko hari serivisi bimwa ku mpamvu zo kuba ntabwisungane mu kwivuza barabona.

Aba bavuga ko bibabaje kuba umuturage agana mu nzego z’ibanze ntacyemurirwe ikibazo ku mpamvu zo kutagira ubwisungane mu kwivuza nyamara serivisi baka ntaho ihuriye n’icyo kibazo.

Bamwe mu baturage bakunze kuvuga ko hari ubwo bimwa serivisi bagiye kwaka mu nzego z’ibanze nk’ibyemezo by’ubutaka,iby’amavuko kutagira ubwisungane mu kwivuza bikabaviramo intandaro yo kutabona iyo service nyamara ari ntaho byari bihuriye na service bashaka.

Urugero ni urw’uyu muturage wo mu Kagali ka Burushyo mu Murenge wa Nyamyumba mu Karere ka Rubavu, uvuga ko umwana we yakubiswe abeshyerwa ubujura maze yavuza umwana we bikaba ngombwa ko yishyurwa amafaranga yakoresheje ,yishyuwe abikwa n’ubuyobozi bw’akagali.

Gusa ngo uko yatse aya mafaranga ngo ayasubize abo yayagujije ubuyobozi bumusaba kuyongera ngo agure ubwisungane mu kwivuza nk’uko iyi nkuru dukesha Radio 10 ikomeza ivuga.

Nubwo uyu muturage avuga ibi, ngo ntayobewe ko ubwisungane mu kwivuza bumufitiye akamaro ariko akemeza ko nta bushobozi afite bwo kuyongera, nubwo icyiciro cy’ubudehe arimo kimugaragaza nk’ushoboye kwiyishyurira.

Ubuyobozi bw’akagali ka burushya bwemeza ko ikibazo cy’yu muturage bukizi gusa bwo bukomeza kumusaba kongera aya mafaranga akishyura mituweli uko byagenda kose.

Habyarimana Giribert avuga ko bidakwiye ko umuturage yimwa serivisi kubera ko hari ibyo atujuje ibindi bidahuye nayo, ariko ngo umuturage akwiye kumva ko ari ngombwa kugira ubwisungane mu kwivuza.

Mu karere ka Rubavu mu baturage 100 , 75 muri bo nibo bafite ubwisungane mu kwivuza.
Icyakora hirya no hino mu gihugu bamwe mu baturage bakomeza kugaragaza kwimwa serivisi ku iturufu yo kutagira mituweli ,abandi bagatwerera ibyiciro by’ubudehe bavuga ko bitabakwiye bigatuma batigondera iyi mituweli nubwo bazi ko aribo ifitiye akamaro.

 

Izindi wakunda

Bwiza.com