bwiza.com
Ahabanza » Ikigo Zion Medical cyo muri Israel cyavumbuye umuti ushobora kuvura Sida
Amakuru Ubuzima

Ikigo Zion Medical cyo muri Israel cyavumbuye umuti ushobora kuvura Sida

Abahanga mu by’ubumenyi bakoze umuti wica 99% bya Virus itera sida na sida mu mubiri w’umuntu mu byumweru bine gusa utangiye kuwufata. Uyu umuti wiswe ‘Gammora’ ugakorwa na Zion Medical, ikigo cy’ikoranabuhanga mu by’ubuvuzi gikorera muri Israel ugizwe n’ibyitwa Peptides (proteins) bikomoka kuri virus ya VIH bituma utunyangingo twanduye twisenya kandi utundi tunyangingo tuzima ntacyo bidutwaye.

Izi peptides zikorwa n’ikigo Polypeptide Labs gifite icyicaro San Diego muri California, ho muri Leta Zunze Ubumwe za Amerika, zifite ubushobozi bwo kuvura abarwayi banduye sida zisenya uturemangingo twose turimo VIH. Uyu muti ukaba utandukanye n’imiti igabanya ubukana no gukwirakwira kwa virus ariko utavura ubwandu nk’uko itangazo ryashyizwe aharagara n’ikigo cyawukoze rivuga.

Ibyavuye mu igerageza ry’uyu muti byatangajwe na Cision PR Newswire dukesha iyi nkuru kuwa Gatatu w’icyumweru gishize. Uyu muti igeragezwa ryawo igice kimwe cyakorewe muri Uganda ukaba umaze kurenga icyiciro cya 2a muri bitatu cyangwa bine umuti w’abantu uri mu igeragezwa ugomba kubanza gucamo mbere yo gushyirwa ku isoko.

Capt Jimmy Omara, umuvugizi w’umutwe ushinzwe kurinda umukuru w’igihugu muri Uganda ( Special Forces Command) akaba akuriye, ibitaro byitwa Dr Ronald Bata hospital muri Entebbe, yemeje aya makuru y’uko bagize uruhare mu kugerageza uyu muti, avuga ko byinshi bizatangazwa abafatanyabikorwa nibagaruka muri Uganda mu cyumweru gitaha.

Gusa, ku rundi ruhande Dr Stephen Watiti umu consultant mu by’ubuvuzi kuri HIV muri Mild May-Uganda, yashimye ivumburwa ry’uyu muti, ariko asaba abamaze kwandura gukomeza imiti basanzwe bafata iborohereza mu gihe uyu utarajya ku isoko.

Aganira na daily Monitor yagize ati: “Niba ari ubuvumbuzi, ubwo isi igomba kwishima, ariko kuva ukiri mu igeragezwa, ndagira inama abana babana na HIV gukomeza gufata imiti yabo.”

 

Izindi wakunda

Bwiza.com