bwiza.com
Ahabanza » Ange Kagame nawe yasubije Michaëlle Jean nyuma yo kuvugira Diane Rwigara
Amakuru Politiki

Ange Kagame nawe yasubije Michaëlle Jean nyuma yo kuvugira Diane Rwigara

Nyuma y’aho Michaëlle Jean watsinzwe kuyobora umuryango w’Ibihugu bikoresha Igifaransa (OIF) abinyujije kuri twitter asabiye gukurikirana ubwitonzi urubanza rwa Diane Rwigara na nyina, akanengwa n’Umunyabanga wa leta muri minisiteri y’ububanyi n’amahanga, Olivier Nduhungirehe wamubwiye ko avugishwa no kuba aherutse gutsindwa na Louise Mushikiwabo, Ange Kagame, umukobwa wa Perezida wa Repubulika nawe yagize icyo abwira uyu Munyakanadakazi.

Kuwa 08 Ugushyingo nibwo Michaëlle Jean abinyujije kuri twitter yagize ati: “Dukurikirane n’ubushishozi bukomeye urubanza ruregwamo mu Rwanda impirimbanyi y’ubwisanzure bwo gutanga ibitekerezo Diane Rwigara na nyina baherutse gufungurwa by’agateganyo mu Ukwakira, bashinjwa mu Rukiko rw’i Kigali ‘guteza imvururu’.”

Bwana Olivier Nduhungire, Umunyamabanga wa Leta muri Minisiteri y’ububanyi n’amahanga yahise amusubiza amubwira ko yataye umutwe kubera ko aherutse gutsindwa na Mushikiwabo wamusimbuye ku buyobozi bwa OIF.

Ku ruhande rwa bamwe mu bayobozi b’U Rwanda, bigaragara ko batakiriye neza aya magambo ya Michaëlle Jean maze bavuga ko yaba abiterwa no kuba aherutse gutsindwa n’Umunyarwandakazi, Louise Mushikiwabo bari bahanganye ku mwanya w’Ubunyamabanga Bukuru bwa OIF.

Ati: “Agahinda ko gutsindwa kabatesheje umutwe madamu! Umunyamabanga Mukuru mushya yaratowe kandi ntimufite, muri ibi byumweru bya nyuma musigaranye, uburenganzira bwo gukoresha umwanya wanyu mu kwihimura ku wabasimbuye n’igihugu cye.”

Ange Kagame nawe ku ruhande rwe akoresheje twitter rero yagize ubutumwa aha Michaëlle Jean ariko utapfa gupfa gusobanukirwa icyo yashakaga kuvuga.

Ati: “Mu gihe ugomba (Michaëlle Jean) kuva ku kazi wahozeho kandi kandidatire yawe muri Human Rights Watch itegerejwe saa 23h59.”

Aha ugenekereje Ange Kagame akaba asa nk’uwabwiraga Michaëlle Jean ko umwanya yari ariho yawuvuyeho ashatse yakwigira muri Human Right Watch ariko nabwo akaba asa nk’uwakererewe.

Diane Rwigara ashinjwa gukora no gukoresha inyandiko mpimbano ubwo yashakaga kwiyamamariza kuyobora igihugu, agahurira n’umubyeyi we Mukangemanyi Adeline ku cyaha cyo kugambirira guteza imvururu cyangwa imidugararo muri rubanda. Mukangemanyi yiharira icyaha cy’ivangura n’amacakubiri. ibi byaha bose barabihakana.

Izindi wakunda

3 Ibitekerezo

Sakega 10/11/2018 7:19 pm at 7:19 pm

Ntabwo akarengane kazahoraho , ibi bizageraho birangire, kugirango umuntu ababazwe anyagwe ibye, Abanyarwanda batinye kumuvugira, avugirwe n’Abanyamahanga, Abanyarwanda baciye umugani ngo isi ni gatebe gatoki cg ngo ubamba isi ntakurura.

Subiza
Zacousca 11/11/2018 12:59 pm at 12:59 pm

Nyamara koko uyu Jean Mickaëlle, yifitiye umuranduranzuzi.
Amenye ariko ko impfzi icugita iminsi yitwa bihe biha ibindi

Subiza
Eva 23/11/2018 9:55 am at 9:55 am

Ariko njye ndumva ntakosa yakoze mugihe biriya aribyo bitekerezo bye.
Kandi umuntu agira uburenganzira busesuye ku bitekerezo bye bwite.

Simbonako aringombwa kumusubiza bamunnyega, ahubwo bakabaye bamubwirako ubucamanza bw’igihugu cyacu butabereyeho kurenganya.

Umwanzuro buzafata ni uko nyine.

Subiza

Tanga Igitekerezo

Bwiza.com
error: Alert: Ntabwo byemewe!!