bwiza.com
Ahabanza » Urutonde rw’abakinnyi 9 b’abagore b’ibihe byose muri ruhago- AMAFOTO
Amakuru IBYEGERANYO

Urutonde rw’abakinnyi 9 b’abagore b’ibihe byose muri ruhago- AMAFOTO

Umukino w’umupira w’amaguru, usanga ufite abafana benshi hirya no hino ku Isi, aho usanga ibyamamare by’igitsina gabo aribyo bivugwa cyane, ariko ntibivuze ko ab’igitsina gore bo batisanga muri uyu mukino.

Uko imyaka yagiye ihita indi igataha, hari abakinnyi b’igitsina gore bagiye bakora amateka adasanzwe muri ruhago ku buryo baciye uduhigo bazahora bibukirwaho kabone nubwo bazaba batakiri kuri iyi si ya rurema.

Dore urutonde rw’abakobwa icyenda babiciye bigacika muri ruhago

  1. Asisat Oshoala:

Akomoka muri Nigeria, akaba umukobwa w’imyaka 24 y’amavuko, akinira ikipe yo mu Bushinwa ‘Dalian Quanjian F.C’; akina mu kibuga hagati. Mu 2014, yabaye umukinnyi mwiza w’umwaka w’umugore mu batarengeje imyaka 20.

8.Kelly Smith:

Uyu mugore ubu ufite imyaka 40 y’amavuko, azwi cyane mu ikipe ya Arsenal y’abagore, mu mikino 66 yayikiniye yatsinzemo ibitego 73 hagati y’umwaka wa 2005 na 2009.

7.Homare Sawa:

Ni umuyapanikazi ubu ufite imyaka 40 y’amavuko, mu mikino 204 yakiniye ikipe y’u Buyapani y’abagore yatsinzemo ibitego 83. Mu 2011 yafashije iyi kipe bwa mbere mu mateka yayo kwegukana igikombe cy’Isi cy’abagore (Women’s World Cup).

6.Abby Wambach:

Umunyamerika Mary Abigail Wambach w’imyaka 38, ni icyamamare muri ruhago, yatsinze ibitego 184 mu ikipe y’umupira w’amaguru y’abagore ya Leta Zunze Ubumwe za Amerika, ubu afite akazi k’ubutoza.

5.Sun Wen:

Ni umushinwakazi w’imyaka 45 y’amavuko, yatsinze ibitego 105 mu mikino 152 yakiniye ikipe y’igihugu cy’u Bushinwa y’abagore.

4.Birgit Prinz:

Umudagekazi w’imyaka 41 y’amavuko, mu ikipe y’igihugu y’u Budage y’abagore, yatsinzemo ibitego 128 mu mikino 214.

3.Michelle Anne Akers:

Ni umunyamerika w’imyaka 52 y’amavuko, mu mwaka wa 1999 ubwo yari mu ikipe ya Leta zunze Ubumwe za Amerika, yayihesheje igikombe cy’imikino Olimpiki y’abagore.

2.Mia Hamm:

Mariel Margaret Hamm-Garciaparra ni umunyamerika w’imyaka 46 y’amavuko, yatsinze ibitego 158 mu ikipe ya USA y’abagore mu myaka itandukanye ndetse anegukana imidali itandukanye.

1.Marta:

Marta Vieira da Silva ni umunya Brezi w’imyaka 32 y’amavuko, yahimbwe izina rya Pele, yatsinze ibitego bisaga 100 mu mikino 130 yakiniye ikipe y’igihugu ya Brezil y’abagore.

Kuva mu 2006 kugera mu 2010, muri iyi myaka ine niwe wari wihariye igihembo cya FIFA cy’umukinnyi mwiza w’umwaka w’umugore gitangwa buri mwaka.

 Itangishatse Theoneste/Bwiza.com

Izindi wakunda

Bwiza.com
error: Alert: Ntabwo byemewe!!