bwiza.com
Ahabanza » Goma: Felix Tshisekedi yijeje kugarura amahoro muri Kivu y’Amajyaruguru naramuka atowe
Amakuru Politiki

Goma: Felix Tshisekedi yijeje kugarura amahoro muri Kivu y’Amajyaruguru naramuka atowe

Felix Tshisekedi, umukandida mu matora y’umukuru w’igihugu muri Congo, na Vital Kamerhe, ukuriye ibikorwa byo kumwamamaza, bijeje kugarura ituze n’umutekano muri Beni ndetse no muri Kivu y’Amajyaruguru yose mu gihe Tshisekedi yaba atorewe kuyobora iki gihugu mu matora ateganyijwe kuwa 23 Ukuboza 2018.

Kuri uyu wa Kabiri, itariki, 04 Ukuboza, uyu mukandida w’ihuriro CACH yatangiriye ibikorwa bye byo kwiyamamaza mu Mujyi wa Goma, muri Kivu y’Amajyaruguru.

Nk’uko amasezerano yo kwishyira hamwe aba bagabo bagiranye avuga, Felix Tshisekedi naramuka atorewe kuyobora Repubulika iharanira Demokarasi ya Congo, Vital Kamerhe azahita amubera Minisitiri w’Intebe.

Nabwiye Felix ko minisitiri w’ingabo nzashyiraho azaturuka muri Kivu y’Amajyaruguru ngo azarangize ubwicanyi buhoraho i Beni, i Butembo muri Teritwari ya Masisi. Nicyo tuzabanza gushyira imbere,” ibi ni ibyo Vital Kamerhe yabwiye abayoboke babo bari bateraniye kuri Stade Afya.

Iyi nkuru dukesha Radio Okapi ikomeza ivuga ko aba bagabo bombi banagarutse ku kwivana ku masezerano y’ihuriro Lamuka yashyiriweho umukono i Geneve, baje kwivanamo bagashinga ihuriro ryabo bise Cap pour le Changement (CACH).

Nyuma yo kuva i Goma, Felix Tshisekedi azakomereza kwiyamamaza mu yindi mijyi n’intara zo muri Kivu y’Amajyaruguru na Kivu y’Amajyepfo.

 

Izindi wakunda

Bwiza.com