bwiza.com
Ahabanza » Kongere ya Amerika nta bubasha ifite ku Rwanda – Amb. Olivier Nduhungirehe
Amakuru Featured

Kongere ya Amerika nta bubasha ifite ku Rwanda – Amb. Olivier Nduhungirehe

“Hakwiye kugira ubwira abo bashingamategeko batanu b’Abanyamerika ko Kongere ya Amerika nta bubasha ifite ku Rwanda, mureke inkiko z’u Rwanda zonyine”, ibi ni ibyatangajwe na Ambasaderi Olivier Nduhungirehe, Umunyamabanga wa Leta muri Minisiteri y’ububanyi n’amahanga nyuma y’inkuru ya CNN ivuga ko abasenateri batanu bo muri Amerika basaba ko ibirego bishinjwa Diane Rwigara biteshwa agaciro.

Iki kinyamakuru cyavuze ko itsinda ry’abasenateri bo mu Nteko ishinga Amategeko ya Amerika bahamagarira Guverinoma y’u Rwanda kureka ibirego bishinjwa Diane Rwigara, ushobora gukatirwa imyaka 22 y’igifungo mu gihe ibyaha aregwa byamuhama kuri uyu wa Kane, itariki 12 Ukuboza.

Ambasaderi Olivier Nduhungirehe abinyujije ku rukuta rwe rwa twitter yahise agira icyo avuga kuri iyi nkuru maze agira ati: “Hakwiye kugira umuntu ubwira abo bashingamategeko batanu b’Abanyamerika ko Kongere ya Amerika nta bubasha ifite ku Rwanda, mureke inkiko z’u Rwanda zonyine.”

Umunyamabanga wa leta muri minisiteri y’ububanyi n’amahanga yongeyeho ko uku kwivanga mu mikorere y’ubutabera bw’u Rwanda gukomeje no gusuzugura inzego z’u Rwanda bidashobora kwihanganirwa.

Kuri uyu wa Kane, itariki 06 Ukuboza nibwo biteganyijwe ko Diane Rwigara na nyina Adeline Mukangemanyi bongera kugera imbere y’urukiko bagasomerwa imyanzuro y’urubanza rumaze umwaka umwe, amezi abiri n’iminsi 13.

Ku wa 5 Ukwakira 2018, nibwo Urukiko Rukuru rwemeje ko barekurwa by’agateganyo kuko iperereza ryarangiye.

Diane Rwigara ashinjwa gukora no gukoresha inyandiko mpimbano ubwo yashakaga kwiyamamariza kuyobora igihugu, agahurira n’umubyeyi we Adeline Mukangemanyi ku cyaha cyo kugambirira guteza imvururu cyangwa imidugararo muri rubanda; Adeline we akiharira icyaha akekwaho cy’ivangura no gukurura amacakubiri.

Izindi wakunda

4 Ibitekerezo

ngoma December 6, 2018 at 9:36 am

Ariko Nyakubahwa Olivier ! utabeshye ibyo uvuga nibyo wemera? ubaye ariko ubyemera Amateka yaba ntacyo yakwigishije! ngewe sinshyigikiye abanyabyaha! ariko nanone sishyigikiye abahimbira abantu ibyaha! ndifuriza amahoro Urwanda! NABARUTUYE BOSE ntanumwe nkumuyemo! kuko twese turabana barwo! ariko urwanda si urwumuntu mwe! niba ariko abyumva! amenyeko urwanda arimo kurujyana munyanja yumuhengeri ukaze! Amateka nagire icyo atwigisha! ariko kuki abanyarwanda tutibuka? kuki twibagirwa ibyabaye murwanda 59? kuki twibagirwa ibyabaye 94? uki turimo gusubira mumateka mabi? nigeze kujya muri Gacaca! numva umuntu ariregura ngo ni LETA yambeshye nica abaturanyi! ariko jya mbona abaturage bafata amapiki , abasuka bakajya gusenyera abanyarwanda! Leta Ikabahemba! harya muzongera mubeshye ngo ni Leta yabeshye? Nigeze kumva umuntu wari umuyobozi ! avugango yabeshywe na LETA! naWE Olivier amateka nakugaruka uzavugako wabeshywe na Leta?

Subiza
Kaka December 7, 2018 at 8:45 pm

Uyu ni microphone politike y’u Rwanda ntaba azi aho igana mujye mumureka yivugire. Yerekane ko akora! naho ibya FPR uyu ntabyo azi ngo ni Nduhungirehe

Subiza
Sakega December 8, 2018 at 8:19 am

Ngo ntabubasha ifite? Azajye kubibwirira , America ni igihugu cyateye imbere na Corea du Nord yagezeho icisha make.

Subiza
Mimi December 12, 2018 at 12:37 pm

America (abanyamerica: kuko si prezida byibura wavuze) ubundi bashinzwe iki ku isi?? Uko ibihugu biyoborwa bibarebaho iki?? Nanjye ndabivuze Ntabwo America adufiteho Ijambo, Iyo izagira kurigira yari kudutegeka tukagarura caguwa.
@Kaka. ibya FPR se ni wowe ubizi wandikira munsi y’igitanda n’amazina wihimbye

Subiza

Tanga Igitekerezo

Bwiza.com